No TMT bus fare in thane | टीएमटी बसची भाडेवाढ नाही

टीएमटी बसची भाडेवाढ नाही

ठाणे : महापालिका आयुक्त संजीव जयस्वाल यांनी परिवहनच्या तिकीटदरात वाढ आवश्यक असल्याचे स्पष्ट केल्यानंतरही मंगळवारी सादर केलेल्या ठाणे परिवहन सेवेच्या अर्थसंकल्पात मात्र प्रशासनाने कोणतीही भाडेवाढ सुचविलेली नाही. मंगळवारी २०२०-२०२१ चा ४३८ कोटी ८६ लाखांचा अर्थसंकल्प परिवहन प्रशासनाने परिवहन समितीला सादर केला. गतवर्षी वर्षी ४७६.१२ कोटींचा अर्थसंकल्प सादर केला होता. यंदा मात्र तो ३७ कोटींनी कमी झाला आहे . विशेष म्हणजे गेल्या वर्षीच्या अर्थसंकल्पात ठाणे महापालिकेकडून ३५० कोटी अनुदानाची मागणी करणाऱ्या परिवहन प्रशासनाने यंदाच्या अर्थसंकल्पात ६० कोटी कमी करून २९१ कोटींचीच मागणी केली आहे. बसची संख्या आणि प्रवाशांची संख्या वाढवण्यावर या अर्थसंकल्पात भर दिला आहे.

गेल्या दोन वर्षांपासून परिवहनच्या तिकीटदरात वाढ करण्याचा प्रशासनाचा प्रयत्न असून तांत्रिक कारणांमुळे प्रशासनाला ही दरवाढ करणे शक्य झालेले नाही. मात्र, २० फेब्रुवारी रोजी होणाºया महासभेत तिकीटदरवाढीचा प्रस्ताव आणला असल्याने परिवहनच्या अर्थसंकल्पातदेखील ती करण्यात येईल, असे अपेक्षित होते. परंतु, दरवाढीला आधीच विरोध झाल्याने अर्थसंकल्पात ती केलेली नाही.
परिवहनच्या बहुतांश बसचे आयुर्मान संपले असल्याने त्या बदली करण्याची आवश्यकता आहे . मोठ्याप्रमाणात बस बंद करणे शक्य नसल्याने आधी त्यांची संख्या वाढविण्याचे नियोजन या अर्थसंकल्पात केले आहे . त्यानंतर टप्प्याटप्याने आयुर्मान संपलेल्या बस बंद करणार आहेत. पालिकेच्या २७७ पैकी केवळ सरासरी ११० बस रस्त्यावर धावत आहेत. १९० बस या जीसीसी तत्वावर आहेत. त्यामुळे यंदाच्या अर्थसंकल्पात नादुरु स्त असलेल्या १६० पैकी सीएनजीच्या १०३ बस एएमसी तत्वावर दुरु स्त करून त्या चालविण्याचे प्रशासनाचे नियोजन आहे. तर उर्वरित ६० बस भंगारात दिल्या जाणार आहेत.
महिलांसाठी ५० तेजस्विनी पैकी ३० बसेस दाखल झाल्या असून २० बसेस मार्चपर्यंत दाखल होतील. तर जूनपर्यंत ५० मिडी बस परिवहनच्या ताफ्यात दाखल होणार आहेत. ५० मिडी बसेसची मागणी असली तरी त्याऐवजी १०० मिनी बस खरेदी केल्या जाणार आहेत. ४०० ते ४५० बस दैनंदिन संचलनासाठी उपलब्ध करण्याचा प्रशासनाचा प्रयत्न आहे.

ठामपाकडून मिळणाºया अनुदानात केली कपात
गेल्या वर्षी ठाणे महापालिकेकडे परिवहन प्रशासनाने तब्बल ३५० कोटींच्या अनुदानाची मागणी केली होती. त्यातील १३० कोटींचे अनुदान देऊन ठामपाने परिवहनच्या तोंडाला पाने पुसली आहेत. यंदाच्या अर्थसंकल्पात मात्र गेल्या वर्षीच्या तुलनेत ३७ कोटींनी घट करून ३५० कोटींऐवजी २९१.४ कोटींची मागणी केली आहे. यापूर्वी प्रत्येक बसचा प्रत्येक किमी मागे १११ रुपये खर्च येत होता. तो आता केवळ ९८ रुपयांवर आणला आहे. प्रत्येक बसची क्षमता वाढविल्याने फेºयाही वाढवून प्रवाशांना वेळेत सेवा देण्याचा प्रयत्न केला जाणार असल्याचे परिवहन व्यवस्थापक संदीप माळवी यांनी यावेळी स्पष्ट केले.

निवृत्त कर्मचाऱ्यांच्या वेतनाचा टीएमटीवर १४.२४ कोटींचा भार
आगामी आर्थिक वर्षात ठाणे परिवहन सेवेचे १०० कर्मचारी हे सेवानिवृत्त होणार आहेत. त्यामुळे आधीच सेवानिवृत्त झालेल्या ५२८ आणि चालू वर्षातील १०० असे ६२८ कर्मचाºयांच्या निवृत्ती वेतनाचा भार परिवहन प्रशासनावर येणार आहे. यासाठी यंदाच्या अर्थसंकल्पामध्ये १४ कोटी २४ लाखांची तरतूद केली आहे. इंधनासाठी या अर्थसंकल्पात एकूण ३७ कोटी तीन लाखांची तरतूद केली आहे. परिवहन सेवेतील कर्मचाºयांची नोव्हेंबर २०१९ पर्यंतची थकीत रक्कम ही ३० कोटी ७६ लाखांवर आहे. ती देण्यासाठी ठाणे महापालिकेकडे परिवहन प्रशासनाने ३० कोटी ३८ लाखांच्या अनुदानाची मागणी केली आहे .

सॅटिसवर विशेष चौकशी कक्ष : रेल्वेस्थानकानजिकच्या सॅटिसपासून ६० मार्गावर परिवहनकडून प्रवाशांसाठी सेवा पुरविली जाते. त्यामुळे प्रवासी संख्येत वाढ होण्यासाठी तसेच प्रवाशांच्या सुविधेसाठी या ठिकाणी एक चौकशी कक्ष स्थापन्यात येणार आहे. त्यात प्रशिक्षित कर्मचारी वर्ग परिवहनच्या प्रवाशांना कोणती बस कधी आणि कोणत्या मार्गावर येणार आहे, अशी सर्व माहिती देतील. अनेकवेळा योग्य माहिती न मिळाल्याने प्रवाशी अन्य पर्यायांचा वापर करतात. त्यामुळे प्रवाशी संख्या वाढविण्यासाठी हा कक्ष स्थापन्यात येणार आहे.
 

Web Title: No TMT bus fare in thane

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.