डंपरच्या धडकेत मोटारसायकलस्वाराचा मृत्यु

डंपरच्या धडकेत मेहीलाल बिंन्द (४०, रा. नळपाडा, ठाणे) या मोटारसायकलस्वाराचा मृत्यु झाल्याची घटना गुरुवारी कापूरबावडी भागात घडली. अपघातास कारणीभूत असलेल्या डंपर चालक मंटूकुमार यादव (रा. कापूरबावडी, ठाणे) याला अटक केल्याचे पोलिसांनी सांगितले.

ठळक मुद्दे कापूरबावडी पोलीस ठाण्यात गुन्हा डंपर चालकास अटक

लोकमत न्यूज नेटवर्कठाणे: डंपरच्या धडकेत मेहीलाल बिंन्द (४०, रा. नळपाडा, ठाणे) या मोटारसायकलस्वाराचा मृत्यु झाल्याची घटना गुरुवारी कापूरबावडी भागात घडली. यात मेहीलाल सोबत असलेला दिनेशकुमार बिंद (२२) हा गंभीर जखमी झाला असून त्याच्यावर एका खासगी रुग्णालयात उपचार सुरु आहेत.ठाण्यातील रवी स्टीलकडे जाणाऱ्या रस्त्यावर बिरसा मुंडा चौक येथून भरघाव वेगाने आलेल्या एका डंपरने मेहीलाल यांच्या मोटारसायकलला जोरदार धडक दिली. या अपघातामध्ये दोघेही रस्त्यावर पडले. यात डंपरचे चाक मोटारसायकलवरुन गेल्यामुळे मेहीलाल आणि त्याच्या मागे बसलेला दिनेश दोघेही गंभीर जखमी झाले. दोघांनाही तातडीने एका खासगी रुग्णालयात दाखल करण्यात आले. मात्र, मेहीलाल याचा मृत्यु झाल्याचे डॉक्टरांनी घोषित केले. अपघातास कारणीभूत असलेल्या डंपर चालक मंटूकुमार यादव (रा. कापूरबावडी, ठाणे) याला अटक केल्याचे पोलिसांनी सांगितले. सहायक पोलीस निरीक्षक अजय गंगावणे हे याप्रकरणी अधिक तपास करीत आहेत.