शहरं
Join us  
Trending Stories
1
'या' माशांना वाचवण्यासाठी बांगलादेशनं उतरवलं सैन्य दल; बंगालच्या खाडीत पाठवल्या १७ युद्धनौका
2
‘कोस्टल’वर थेट १४० चा हायस्पीड: ...तर मग गुन्हाच होईल दाखल; वाहतूक पोलिसांकडून दिवसाला ५०० ई-चालानची कारवाई
3
Tata Capital IPO: प्रतीक्षा संपली! तुमच्या खिशात आहेत का १४,९९६ रुपये? तर बनू शकता टाटांच्या कंपनीचे प्रॉफिट पार्टनर
4
इवलीशी मुंबई झाली महाकाय ! त्या त्या भागानुसार प्रति स्क्वेअर फुटाचा दर काय... पहाल तर...
5
सोनम वांगचुक यांच्या अटकेवर आज सर्वोच्च न्यायालयात सुनावणी, पत्नीने दाखल केली याचिका
6
भारताचा विश्वासू मित्र देश रशिया करणार पाकिस्तानची मदत?; JF 17 लढाऊ विमानाला पुरवणार इंजिन
7
Kantara Chapter 1: साऊथने पुन्हा एकदा करून दाखवलं! फक्त ४ दिवसांत 'कांतारा'ने कमावले ३०० कोटी
8
पतीच्या मृत्यूनंतर पुन्हा जोडीदाराची इच्छा पडली महागात; मॅट्रिमोनियल साइटवरून शिक्षिकेला कोट्यवधींचा गंडा!
9
Post Office Scheme: दर महिन्याला होईल ₹६१,००० ची कमाई; जबरदस्त आहे ही सरकारी स्कीम, कोट्यधीशही बनवेल
10
Jaipur Hospital Fire: जयपूरच्या एसएमएस रुग्णालयात भीषण अग्नितांडव: आयसीयूमध्ये ६ रुग्णांचा दुर्दैवी अंत, ५ जणांची प्रकृती चिंताजनक
11
Share Market Today: शेअर बाजाराची तेजीसह सुरुवात, Nifty २४,९१० च्या वर; सरकारी बँकांच्या शेअर्समध्ये मोठी तेजी
12
Jaipur Hospital Fire: '२० मिनिटांपूर्वी आगीची माहिती दिली, पण डॉक्टर पळून गेले'; SMS रुग्णालयातील प्रत्यक्षदर्शींचा धक्कादायक दावा
13
Video:...तर भारताच्या 'या' खेळाडूला मारायचंय; पाकिस्तानी स्पिनर अबरार अहमदचं विधान चर्चेत
14
पती अन् दोन मुलांना सोडून शेजाऱ्यासोबत सुरू होतं अफेअर; 'ओयो'मध्ये प्रियकर गर्लफ्रेंडसोबत दिसला अन्...
15
या राज्यात ५० किमी वेगाने वारे वाहतील, मुसळधार पाऊस आणि गारपिटीचा इशारा
16
देशातील राष्ट्रीय चलनातून चार शून्य हटवले जाणार; इराणचा ऐतिहासिक निर्णय, काय होणार बदल?
17
उत्खनन क्षेत्रात छत्तीसगडची ऐतिहासिक झेप; खनिज महसूल २५ वर्षांत ३४ पटीने वाढला!
18
त्यानं स्वतःच कापला प्रायव्हेट पार्ट अन् रचला हल्ल्याचा बनाव! पोलिसांना गोंधळात टाकणारा प्रकरणाचा 'असा' झाला खुलासा
19
आजचे राशीभविष्य- ६ ऑक्टोबर २०२५: आजचा दिवस आनंददायी, नोकरी व्यवसायात फायदाच फायदा!
20
संपादकीय: बिहार ठरवेल आगामी दिशा? जनसुराज्य, जंगलराज ते मागासच राहिलेले राज्य...

उल्हासनगरमुळे शिवसेनेला दुहेरी लॉटरी

By लोकमत न्यूज नेटवर्क | Updated: April 24, 2018 01:54 IST

भाजपामध्ये मात्र या वृत्तामुळे कमालीची अस्वस्थता पसरली आहे.

कल्याण : उल्हासनगरमधील माजी आमदार कुमार आयलानी आणि ओमी कलानी यांच्या टीममध्ये भडकलेल्या राजकीय युद्धात तेथील सत्तेत शिवसेनेला वाटा मिळणार असतानाच कल्याण-डोंबिवलीचे महापौरपदही सलग पदरात पडणार असल्याने शिवसेनेला दुहेरी लॉटरी लागल्याचे चित्र निर्माण झाल्याने त्या पक्षाच्या गोटात दिवसभर आनंदाचे वातावरण होते.भाजपामध्ये मात्र या वृत्तामुळे कमालीची अस्वस्थता पसरली आहे. युतीच्या वाटाघाटीत वरिष्ठांनी जे ठरवले आहे, त्याप्रमाणे होईल, असा दावा करून भाजपा नेत्यांनी ती लपवण्याचा प्रयत्न केला. पण महापौरपदाच्या बदल्यात अन्य पदे मिळवून सत्ता समतोल राखावा, अशी भूमिकाही त्यांनी मांडली. या घडामोडींमुळे महापौरपदासाठी प्रयत्न करणाऱ्या भाजपातील खुल्या गटातील महिला नगरसेविकांच्या हालचाली एकदम थंडावल्या, तर शिवसेनेतील विविध नेत्यांची आपल्या पत्नीसाठीची फिल्डिंग सुरू झाली.केडीएमसीत शिवसेना ५३, भाजपा ४३, काँग्रेस ४, राष्ट्रवादी २, मनसे ९, बसपा १, एमआयएम १ आणि अपक्ष ९ असे पक्षीय बलाबल आहे. २०१५ च्या निवडणुकीत एकमेकांविरोधात लढलेल्या शिवसेना आणि भाजपाने एकत्र येत सत्ता स्थापन केली. सर्वात जास्त नगरसेवक निवडून आलेल्या शिवसेनेला पहिली अडीच वर्षे महापौरपदाचा मान मिळाला. उर्वरित अडीच वर्षातील एक वर्ष भाजपा; तर दीड वर्षे शिवसेनेला मिळणार आहे. १३ मे रोजी महापौरपदाचा अडीच वर्षाचा कालावधी संपत आहे. पुढील महापौरपदाचा मान भाजपाचा होता. मे महिन्याच्या पहिल्या आठवड्यात महापौरपदाची निवडणूक होणार आहे. परंतु, नुकत्याच झालेल्या ‘क’ प्रभाग समिती सभापतीपदाच्या निवडणुकीत शिवसेनेने भाजपाला दिलेला अनपेक्षित धक्का आणि महापौर निवडणुकीच्या तोंडावर पक्षातील नगरसेवकांना शहर सोडून कुठेही न जाण्याचा बजावलेला व्हिप पाहता भाजपामध्ये अस्वस्थता पसरली आहे.उल्हासनगरमध्ये सुरू असलेल्या राजकीय घडामोडींच्या पार्श्वभूमीवर ‘कल्याणच्या महापौरपदाचा दावा भाजपा सोडणार?’ या शीर्षकाखाली ‘लोकमत’मध्ये सोमवारी प्रसिद्ध झालेल्या वृत्तामुळे भाजपामध्ये चिंतेचे वातावरण अधिकच वाढले असताना शिवसेनेत मात्र चैतन्य पसरले आहे.डोंबिवलीतीलमहिलेला संधीभाजपामध्ये महापौरपदासाठी संभाव्य उमेदवार म्हणून खुशबू चौधरी, मनीषा धात्रक, डॉ. सुनीता पाटील, उपेक्षा भोईर यांच्या नावाची चर्चा होती. शिवसेनेमध्ये भारती मोरे, विनीता राणे, वैशाली भोईर यांची नावे चर्चेत आहेत. शिवसेनेकडे महापौरपद राहिल्यास ते डोंबिवलीच्या वाट्याला जाईल, असे संकेत मिळत आहेत.‘वरिष्ठांच्या आदेशाप्रमाणे कृती होईल’महापौरपदाच्या निवडीबाबत बोलताना शिवसेना गटनेते रमेश जाधव यांनी, शिवसेना हा येथील पक्ष मोठा आहे; तरीही महापौर युतीचा होईल, असे वक्तव्य केले होते. महापौर राजेंद्र देवळेकर यांनीही महापौरपदी कोणाला संधी द्यायची, याचा निर्णय आमचे वरिष्ठ घेतील, असे स्पष्ट केले आहे.‘सुरुवातीला जे ठरले तेच होईल’शिवसेना-भाजपाची सत्ता स्थापन करताना सुरुवातीच्या वाटाघाटीत जे ठरले आहे, त्याप्रमाणे होईल. वरिष्ठांचे तसे आदेश आहेत. याउपरही शिवसेना जे काही करेल, त्याबाबत पक्षश्रेष्ठी काहीतरी निर्णय घेतीलच, असे मत भाजपाचे उपमहापौर मोरेश्वर भोईर यांनी व्यक्त केले. आमच्या पक्षात चार महिला महापौरपदासाठी इच्छुक आहेत. वरिष्ठ यातील एकीची निवड करतील, असा विश्वास त्यांनी या राजकीय घडामोडींनंतरही व्यक्त केला.

टॅग्स :ulhasnagarउल्हासनगर