ठाणे - जिल्ह्यात कोरोनाच्या एक हजार १३४ रुग्णांची वाढ रविवारी झाली असून पाच जणांचा मृत्यू झाला आहे. जिल्ह्यात आता दोन लाख ७६ हजार ५८६ रुग्ण नोंदल्या गेले असून मृतांची संख्या सहा हजार ३३७ झाली आहे. ठाणे शहरात ३२८ रुग्ण सापडले आहे. आता या शहरात ६५ हजार ५४४ बाधीत रुग्ण झाले. आज एकही मृत्यू न झाल्याने येथील मृतांची संख्या एक हजार ४१२ कायम आहे. कल्याण - डोंबिवलीत ४०४ रुग्णांची वाढ असून तिघांचा मृत्यू आहे. या शहरात ६६ हजार ९५७ बाधीत झाले असून एक हजार २१४ मृत्यूची नोंद आहे.
उल्हासनगरत ६६ बाधीत सापडले असून एकही मृत्यू नाही. आतापर्यंत बाधीत १२ हजार १७४ झाले असून ३७३ मृत्यू आहे. भिवंडीला १८ बधीत आढळून आला नसून मृत्यूची नोंदही नाही. आता बाधीत सहा हजार ९३८ असून मृतांची संख्या ३५६ आहे. मीरा भाईंदरमध्ये ६४ रुग्णांची नोंद झाल्यामुळे या शहरात आता बाधितांची २७ हजार ९१८ झाली असून मृतांची संख्या ८०६ आहे.
अंबरनाथमध्ये ३७ रुग्णांची वाढ असून एकही मृत्यू नाही. आता बाधितांची संख्या नऊ हजार १५९ असून मृत्यू ३१६ नोंदलेले आहेत. बदलापूरला ४५ रुग्णांची नोंद झाल्यामुळे एकूण बाधीत १० हजार ४९४ झाले आहेत. या शहरात एकही मृत्यू नसून १२३ मृत्यूची नोंद आहे. जिल्ह्याच्या ग्रामीण क्षेत्रात नऊ रुग्णांची नोंद असून मृत्यू नाही. या परिसरात आता बाधीत १९ हजार ८७० आणि मृत्यू ५९८ आहेत.