भिवंडी: टँकर गाडीच्या टायरची हवा चेक करत असलेल्या टँकर मधील क्लीनरला अडवून त्यास शिवीगाळ व मारहाण करून टँकर क्लीनर सह चालकाच्या पाकिटातील पैसे चार अनोळखी आरोपींनी जबरदस्ती खेचून पळून गेल्याची घटना मुंबई नाशिक महामार्गावरील रांजनोळी नाका परिसरात घडली आहे. याप्रकरणी टँकर क्लीनरने कोनगाव पोलीस ठाण्यात चौघा अनोळखी इसमानविरोधात मंगळवारी गुन्हा दाखल केला आहे.
हेमंत सुरेंद्र सिंग वय २० वर्ष रा.उत्तर प्रदेश असे मारहाण झालेल्या टँकर क्लिनरचे नाव असून तो मंगळवारी मुंबई नाशिक महामार्गावरील रांजनोळी नाका परिसरात असलेल्या एका हॉटेलच्या बाजूला टँकर गाडीच्या टायर चेक करत असताना या ठिकाणी चार अनोळखी इसम येऊन थांबले. यावेळी या चौघांनी विनाकारण हेमंत व टँकर चालकास शिवीगाळ करून सिगरेटचा चटका दिला, त्यानंतर हेमंत व टँकर चालक टँकरच्या केबिनमध्ये बसले असता दोघांना जबरदस्तीने खाली खेचून एकाने एका आरोपीने हातातील लोखंडी कड्याने हेमंत यास जखमी केले व दोघांनाही मारहाण करून त्यांच्याकडून ४६६० रुपये रोख रक्कम आधार कार्ड स्मार्ट कार्ड खेचून जबरदस्तीने काढून घेऊन अगर किसी को बताया तो जान से मार दूंगा अशी धमकी देऊन नाशिक दिशेने पळून गेले. याप्रकरणी टँकर क्लीनर हेमंत सिंग यांनी कोनगाव पोलीस ठाण्यात चारही अनोळखी इसमां विरोधात गुन्हा दाखल केला आहे.