अंबरनाथ आणि बदलापूर रेल्वे स्थानकाच्या दरम्यान एका तरुणाचा एक्सप्रेस मेल मधून पडून मृत्यू झाल्याची घटना रविवारी सायंकाळी घडली. हा तरुण आपल्या नातेवाईकांसोबत चेन्नई एक्सप्रेस ने कुर्ला येथे येत होता. यावेळी बदलापूर रेल्वे स्थानका जवळ हा तरुण एक्सप्रेस मेलच्या दरवाजाजवळ उभा राहिला. यावेळी त्याचा हात सरकल्याने या तरुणाचा एक्सप्रेस मेलच्या बाहेर पडून मृत्यू झाला.
एक्सप्रेसमधून पडलेल्या या तरुणाचे नाव कादरूउल्ला रफिक खान असे आहे. चेन्नई एक्सप्रेस मे तो मुंबईमध्ये येत असताना अंबरनाथ आणि बदलापूर रेल्वे स्थानकाच्या दरम्यान दरवाज्यात उभा असताना त्याचा तोल सरकला आणि तो खाली कोसळला. या घटनेची माहिती त्याच्या नातेवाईकांनी लोहमार्ग पोलिसांना देताच पोलिसांनी या जखमी तरुणाला रुग्णालयात हलवले. मात्र उपचाराआधीच त्याचा मृत्यू झाल्याचे पोलिसांनी स्पष्ट केले. मृत कादरूउल्ला याचा मृतदेह शवविच्छेदनासाठी उल्हासनगरच्या मध्यवर्ती रुग्णालयात पाठविण्यात आला आहे. याप्रकरणी कल्याण लोहमार्ग पोलीस ठाण्यात नोंद करण्यात आली आहे.