नितीन पंडित
भिवंडी: तालुक्यातील १६ ग्राम पंचायतींच्या निवडणुकांसाठी एकूण ६०३ उमेदवारी अर्ज दाखल झाले आहेत. यामध्ये थेट सरपंच पदा करिता ७२ जणांचा तसेच पोटनिवडणुका होत असलेल्या ९ सदस्य पदां साठीच्या उमेदवारी अर्ज दाखल केलेल्यांचा समावेश आहे.
तालुक्यातील भिवंडी तालुक्यातील राहनाळ,कालवार,काटई,खोणी या मोठ्या ग्रामपंचायतींसह भोकरी,गोवे,पायगाव,दिवे केवणी,वडुनवघर,मोरणी,कुसापूर, व अनुसूचित क्षेत्रात समाविष्ट असणाऱ्या महाळुंगे,वज्रेश्वरी, नांदिठणे,पहारे,चिंचवली तर्फे कुंदे अशा १६ ग्रामपंचायतीच्या सरपंच व सदस्य अशा एकूण १७५ तर दापोडे,खांडवळ,तळवली अर्जुनली, एकसाल या ग्रामपंचायती मधील ९ सदस्य पदांसाठी निवडणुका होत आहेत.उमेदवारी अर्ज दाखल करण्याच्या शेवटच्या दिवसांपर्यंत १८४ सदस्य पदांसाठी ५३१ तर १६ सरपंच पदां करीता ७२ उमेदवारी अर्ज दाखल झाले आहेत.
यापैकी महाळुंगे व मोरणी या पुनर्वसन वसाहत असलेल्या गावामध्ये सरपंच व सदस्य पदांच्या निवडणुका बिनविरोध झाल्या आहेत.तर दापोडे ग्रामपंचायतींच्या ५ सदस्य बिनविरोध निवडले गेल्याने आता १६३ सदस्य पदांकरिता ५८० व १४ सरपंच पदांसाठी ७२ उमेदवार निवडणुकी च्या रिंगणात उतरले आहेत.२३ ऑक्टोंबर रोजी उमेदवारी अर्ज छाननी व २५ ऑक्टोंबर पर्यंत उमेदवारी अर्ज मागे घेण्याच्या प्रक्रीये नंतर खरी लढत स्पष्ट होणार आहे.