ठाणे - जिल्ह्यात सोमवारी कोरोनाचे ३२१ रुग्ण नव्याने सापडले आहेत. आता जिल्ह्यात दोन लाख ४४ हजार ५७१ रुग्ण झाले आहेत. तर, सहा रुग्णांचा मृत्यू झाल्याने जिल्ह्यातील मृतांची संख्या पाच हजार ९८५ झाली आहे. ठाणे परिसरात १२८ रुग्ण आढळून आले आहेत. या शहरात ५५ हजार ८८७ रुग्णांची नोंद आतापर्यंत झाली. तर, दोन जणांचा मृत्यू झाल्यामुळे एक हजार ३१३ मृतांची संख्या या शहरा झाली आहे. कल्याण - डोंबिवलीत ६३ रुग्णांची वाढ असून दोन मृत्यू आहेत. आता येथे ५७ हजार ८०७ रुग्ण बाधीत झाले असून एक हजार ११० मृतांची नोंद आहे.
उल्हासनगरात सात नवे रुग्ण आढळले असून एकही मृत्यू नाही. या शहरात ११ हजार ३९५ बाधीत झाले असून ३६१ मृतांची संख्या नोंदवण्यात आली आहे. भिवंडीला दोन बाधीत सापडले असून एकही मृत्यू नाही. आता या शहरात बाधीत सहा हजार ६१६ झाले असून मृतांची संख्या ३५२ आहे. मीरा भाईंदरमध्ये ३८ रुग्ण सापडले असून एका मृत्यूची नोंद आहे. आता बाधितांची संख्या २५ हजार ५३५ झाली असून मृतांची संख्या ७८४ आहे.
अंबरनाथमध्ये १० रुग्ण वाढले असून एकही मृत्यू नाही. या शहरात बाधितांची संख्या आठ हजार २८६ झाली असून मृत्यू ३०५ झाले आहेत. बदलापूरमध्ये १३ रुग्ण सापडल्यामुळे आता बाधीत आठ हजार ९३१ झाले आहेत. या शहरात एकही मृत्यू न झाल्याने मृतांची ११९ आहे. जिल्हा परिषदेच्या ग्रामीणमध्ये चार रुग्णांची वाढ असून एकही मृत्यू नाही. आता बाधीत १८ हजार ७९८ असून आतापर्यंत मृतांची संख्या ५८१ आहे.