मुंबई : भारताची टेनिस स्टार सानिया मिर्झा आणि पाकिस्तानचा क्रिकेटपटू शोएब मलिक या दाम्पत्यला एकमेकांचा विरह सहन होत नाही. गर्भवती असल्याने सानियाला अशा काळात पती शोएबने आपल्यासोबत रहावे असे वारंवार वाटत आहे आणि तसे मॅसेज ती सोशल मीडियावर पोस्ट करत आहे. आशिया चषक स्पर्धेसाठी पाकिस्तान संघासोबत दुबईत असलेला शोएबही सोशल मीडियावर आपले प्रेम व्यक्त करत आहे. या दोन्ही 'लव्ह बर्ड'ची सोशल मीडियावर चांगलीच चर्चा रंगली आहे. त्यांच्या या प्रेम व्यक्त करण्याच्या स्टाईलची पाकिस्तानच्या एका क्रिकेटपटूने कॉपी केली आणि सानिया मिर्झाने त्याची खिल्ली उडवली.
दोन दिवसांपूर्वी सानियाला सप्राईज देणारा एक व्हिडिओ शोएबने पोस्ट केला होता. 19 सेकंदाच्या या व्हिडिओत शोएबने सानियाला सप्राईझ लुकची भेट दिली होती आणि त्यावर सानियाही भलतीच खूश झाली होती. तिने त्वरित ते ट्विट रिट्विट करून शोएबला प्रेमाचा संदेश पाठवला होता.