शाओमीनं गेल्या आठवड्यात भारतीय बाजारात आपला सर्वात स्वस्त 5G Phone सादर केला होता. आज म्हणजे 7 डिसेंबरपासून Redmi Note 11T 5G स्मार्टफोन खरेदीसाठी उपलब्ध होईल. या फोनमध्ये कंपनीनं 11GB RAM, 5000mAh Batttery, 50MP Rear Camera, 90Hz रिफ्रेश रेट आणि 33W फास्ट चार्जींग असे भन्नाट फिचर दिले आहेत. असे असूनही हा फोन 15,000 रुपयांच्या आत विकत घेता येईल.
Redmi Note 11T 5G Price In India
या स्मार्टफोनचे तीन व्हेरिएंट भारतात आले आहेत. रेडमी नोट 11टी 5जी स्मार्टफोनच्या 6GB रॅम आणि 64GB स्टोरेज व्हेरिएंटची किंमत 16,999 रुपये, 6GB रॅम आणि 128GB स्टोरेज व्हेरिएंटची किंमत 17,999 रुपये आणि 8GB रॅम आणि 128GB स्टोरेज व्हेरिएंटची किंमत 19,999 रुपये ठेवण्यात आली आहे. परंतु या किंमतीवर 2,000 रुपयांचा डिस्काउंट मिळत आहेत. यातील 1000 रुपयांची सूट लाँच ऑफर अंतर्गत कंपनी देत आहे. तर ICICI बँक क्रेडिट कार्ड किंवा ईएमआय ट्रँजॅक्शनवर ग्राहकांना 1000 रुपयांचा इंस्टंट डिस्काउंट मिळेल. हा फोन आज दुपारी 12 वाजल्यापासून अ‍ॅमेझॉनवरून विकत घेता येईल.
Redmi Note 11T 5G चे स्पेसिफिकेशन्स
Redmi Note 11T 5G स्मार्टफोनमध्ये 6.6 इंचाचा फुलएचडी+ डिस्प्ले देण्यात आला आहे. हा डिस्प्ले 90Hz रिफ्रेश रेट आणि 240Hz रिफ्रेश रेटला सपोर्ट करतो. कंपनीनं या स्मार्टफोनला MediaTek Dimensity 810 ची प्रोसेसिंग पॉवर दिली आहे. जो 2.4Ghz क्लॉक स्पीडला सपोर्ट करतो. सोबत कंपनीनं ग्राफिक्ससाठी माली जी57 जीपीयू दिला आहे.
त्याचबरोबर 8GB पर्यंत RAM आणि 128GB पर्यंतची स्टोरेज देण्यात येईल. डिवाइसमध्ये व्हर्च्युअल रॅम फिचर दिला आहे. या फिचरच्या मदतीने अतिरिक्त 3GB रॅम वाढवता येतो, त्यामुळे एकूण रॅम 11GB होतो. हा फोन अँड्रॉइड 11 ओएसवर आधारित मीयुआय 12.5 वर चालतो.
रेडमी नोट 11टी स्मार्टफोनमध्ये 5000mAh ची बॅटरी आणि 33W फास्ट चार्जिंगला सपोर्ट देण्यात आला आहे. फोटोग्राफीसाठी यात 50MP चा प्रायमरी रियर कॅमेरा आणि 8MP चा अल्ट्रा वाईड सेन्सर असलेला ड्युअल रियर कॅमेरा सेटअप आहे. सेल्फी आणि व्हिडियो कॉलिंगसाठी फोनमध्ये 16 मेगापिक्सलचा सेल्फी कॅमेरा मिळतो.