Xiaomi नं आपल्या रेडमी नोट सीरीजमध्ये दोन नवीन स्मार्टफोन सादर केले आहेत. कंपनीनं भारतात Redmi Note 11S आणि Xiaomi Redmi Note 11 असे दोन हँडसेट बजेटमध्ये उतरवले आहेत. या लेखात आपण आपण रेडमी नोट 11 स्मार्टफोनची माहिती घेणार आहोत. जो 6GB RAM, Snapdragon 680 चिपसेट, 50MP Camera आणि 5,000mAh Battery सह ग्राहकांच्या भेटीला आला आहे.
Xiaomi Redmi Note 11 चे स्पेसिफिकेशन्स
Xiaomi Redmi Note 11 स्मार्टफोनमध्ये 6.43 इंचाचा फुलएचडी+ अॅमोलेड डिस्प्ले देण्यात आला आहे. हा पंच-होल डिस्प्ले 90हर्ट्ज रिफ्रेश रेटला सपोर्ट करतो. या स्क्रीनला कोर्निंग गोरिल्ला ग्लासची सुरक्षा देण्यात आली आहे. हा स्मार्टफोन अँड्रॉइड 11 ओएस आधारित मीयुआय 13 वर चालतो. यात ऑक्टाकोर प्रोसेसरसह क्वॉलकॉमचा स्नॅपड्रॅगन 680 चिपसेट देण्यात आला आहे. यात 6GB पर्यंत रॅम आणि 128GB पर्यंतची स्टोरेज देण्यात आली आहे. यातील एक्सपांडेबल रॅम टेक्नॉलॉजी 8 जीबी पर्यंत रॅम वाढवण्यास मदत करते.
फोटोग्राफीसाठी या रेडमी फोनमध्ये क्वॉड रियर कॅमेरा सेटअप देण्यात आला आहे. ज्यात एलईडी फ्लॅशसह 50 मेगापिक्सलचा प्रायमरी कॅमेरा, 8 मेगापिक्सलची अल्ट्रा वाईड अँगल लेन्स 2 मेगापिक्सलचा मॅक्रो कॅमेरा आणि 2 मेगापिक्सलचा डेप्थ सेन्सर आहे. हा फोन 13 मेगापिक्सलच्या फ्रंट कॅमेऱ्याला सपोर्ट करतो.
बेसिक कनेक्टिव्हिटीसह या फोनमध्ये 3.5एमएम जॅक, आयआर ब्लास्टर मिळतो तर सिक्योरिटीसाठी साईड फिंगरप्रिंट सेन्सर आणि फेस अनलॉक आहे. हा रेडमी फोन आयपी53 रेटेड आहे त्यामुळे धूळ आणि पाण्यापासून याचे संरक्षण होते. पावर बॅकअपसाठी रेडमी नोट 11 मध्ये 5,000एमएएचची बॅटरी देण्यात आली आहे जी 33वॉट फास्ट चार्जिंग टेक्नॉलॉजीला सपोर्ट करते.
Xiaomi Redmi Note 11 ची किंमत
रेडमी नोट 11 स्मार्टफोनचे तीन व्हेरिएंट्स भारतात आले आहेत. या फोनच्या 4 जीबी रॅम आणि 64 जीबी स्टोरेज मॉडेलची किंमत 13,499 रुपये ठेवण्यात आली आहे. 6 जीबी रॅम आणि 64 जीबी इंटरनल स्टोरेज मॉडेल 14,499 रुपयांमध्ये विकत घेता येईल. तसेच फोनच्या 6 जीबी रॅम आणि 128 जीबी मॉडेलसाठी 15,999 रुपये मोजावे लागतील. हा फोन Amazon India, Mi.com, Mi Home आणि ऑफलाईन रिटेल स्टोर्सवरून Starburst White, Space Black आणि Horizon Blue कलरमध्ये विकत घेता येईल.
हे देखील वाचा:
लाँच होण्याआधीच Redmi च्या स्वस्त स्मार्टफोननं दाखवला दम; मोठया बॅटरीसह येणार बाजारात
हे आहेत 6 'बेस्ट' पासवर्ड मॅनेजर अॅप्स जे तुम्हाला कधीच विसरू देणार नाहीत महत्वाचे लॉगिन डिटेल्स