Xiaomi ने काही दिवसांपूर्वी भारतात ‘रेडमी नोट 10’ सीरीजमध्ये स्वस्त 4G स्मार्टफोन Redmi Note 10 Pro लाँच केला होता. हा मोबाईल फोन 120Hz रिफ्रेश रेट असलेल्या 6.67 इंचाचा डिस्प्ले, 64MP क्वॉड रियर कॅमेरा, Snapdragon 732G चिपसेट आणि 5,020mAh बॅटरीसह बाजारात आला होता. किंमत कमी असल्यामुळे हा फोन लोकांच्या पसंतीस उतरला होता. परंतु आता आपल्या चाहत्यांना निराशा करत शाओमी इंडियाने या फोनची किंमत वाढवली आहे.
Xiaomi Redmi Note 10 Pro ची नवीन किंमत
रेडमी नोट 10 प्रो भारतात तीन व्हेरिएंट्समध्ये लाँच झाला होता. त्यातील 6 जीबी रॅम + 128 जीबी स्टोरेज व्हेरिएंटची किंमत 500 रुपयांनी वाढवण्यात आली आहे. यापूर्वी 16,999 रुपयांमध्ये मिळणार हा व्हेरिएंट आता 17,499 रुपयांमध्ये मिळेल. फोनच्या 6 जीबी रॅम + 64 जीबी स्टोरेजची किंमत 15,999 रुपये आणि 8 जीबी रॅम + 128 जीबी स्टोरेज मॉडेल 18,999 रुपयांमध्ये विकत घेता येईल.
Xiaomi Redmi Note 10 Pro चे स्पेसिफिकेशन्स
शाओमी रेडमी नोट 10 प्रोमध्ये 6.67 इंचाचा मोठा फुलएचडी+ पंच-होल डिस्प्ले देण्यात आला आहे. गोरिल्ला ग्लास 5 प्रोटेक्शन असलेला हा डिस्प्ले 120हर्ट्ज रिफ्रेश रेटला सपोर्ट करतो. फोनमध्ये 5,020mAh ची बॅटरी 33W फास्ट चार्जिंग सपोर्टसह देण्यात आली आहे.
Xiaomi Redmi Note 10 Pro अँड्रॉइड 11 ओएससह लाँच झाला आहे. या फोनमध्ये क्वॉलकॉमचा स्नॅपड्रॅगन 732जी चिपसेट आणि एड्रेनो 618 जीपीयूला देण्यात आला आहे. फोटोग्राफीसाठी Xiaomi Redmi Note 10 Pro मध्ये क्वॉड रियर कॅमेरा सेटअप देण्यात आला आहे. यात 64 मेगापिक्सलचा मुख्य Samsung GW3 सेंसर देण्यात आला आहे. त्याचबरोबर हा स्मार्टफोन 5 मेगापिक्सलच्या सुपर मॅक्रो लेंस, 8 मेगापिक्सलच्या अल्ट्रा वाइड अँगल लेंस आणि 2 मेगापिक्सलच्या डेफ्थ सेंसरला सपोर्ट करतो. फोनच्या फ्रंट पॅनलवर 16 मेगापिक्सलचा सेल्फी शुटर आहे.