Xiaomi आपल्या सब-ब्रँड Redmi च्या Redmi K सिरीजमध्ये फ्लॅगशिप स्पेसीफिकेशन असलेले स्मार्टफोन सादर करते. परंतु या फोन्सची किंमत अन्य फ्लॅगशिप पेक्षा कमी असते, हेच फोन्स भारतात POCO ब्रँड अंतर्गत सादर केले जातात. सध्या कंपनी Redmi K50 सीरीजवर काम करत आहे. आता टिपस्टर DigitalChatStation नं या सीरिजच्या लाँचची टाईमलाईन सांगितली आहे.
रिपोर्टनुसार, Redmi K50 सीरीज पुढील वर्षी सादर केली जाऊ शकते. सर्वप्रथम हे फोन्स कंपनीच्या होम मार्केट अर्थात चीनमध्ये सादर केले जातील. तिथे ही सीरिज फेब्रुवारीमध्ये पदार्पण करू शकते. Redmi K50 सीरिजमध्ये चार स्मार्टफोन सादर केले जाऊ शकतात. यात Qualcomm Snapdragon 8 Gen 1, Snapdragon 870, MediaTek Dimensity 7000, आणि Dimensity 9000 चिपसेट असलेल्या फोन्सचा समावेश असेल.
अलीकडेच भारतात आलेल्या Redmi Note 11T 5G चे स्पेसिफिकेशन्स
Redmi Note 11T 5G स्मार्टफोनमध्ये 6.6 इंचाचा फुलएचडी+ डिस्प्ले देण्यात आला आहे. हा डिस्प्ले 90Hz रिफ्रेश रेट आणि 240Hz रिफ्रेश रेटला सपोर्ट करतो. कंपनीनं या स्मार्टफोनला MediaTek Dimensity 810 ची प्रोसेसिंग पॉवर दिली आहे. जो 2.4Ghz क्लॉक स्पीडला सपोर्ट करतो. सोबत कंपनीनं ग्राफिक्ससाठी माली जी57 जीपीयू दिला आहे.
त्याचबरोबर 8GB पर्यंत RAM आणि 128GB पर्यंतची स्टोरेज देण्यात येईल. डिवाइसमध्ये व्हर्च्युअल रॅम फिचर दिला आहे. या फिचरच्या मदतीने अतिरिक्त 3GB रॅम वाढवता येतो. हा फोन अँड्रॉइड 11 ओएसवर आधारित मीयुआय 12.5 वर चालतो.
रेडमी नोट 11टी स्मार्टफोनमध्ये 5000mAh ची बॅटरी आणि 33W फास्ट चार्जिंगला सपोर्ट देण्यात आला आहे. फोटोग्राफीसाठी यात 50MP चा प्रायमरी रियर कॅमेरा आणि 8MP चा अल्ट्रा वाईड सेन्सर असलेला ड्युअल रियर कॅमेरा सेटअप आहे. सेल्फी आणि व्हिडियो कॉलिंगसाठी फोनमध्ये 16 मेगापिक्सलचा सेल्फी कॅमेरा मिळतो.