Xiaomi Poco X4 Pro 5G: Poco नं गेल्यावर्षी सादर केलेला Poco X3 Pro खूप लोकप्रिय ठरला होता. 20 हजार रुपयांच्या आत कंपनीनं यात अनेक जबरदस्त स्पेसिफिकेशन्स दिले होते. आता या स्मार्टफोनचा अपग्रेड व्हर्जन सादर केला आहे. कंपनीनं 108 मेगापिक्सलच्या रियर कॅमेरा सेन्सरसह Poco X4 Pro 5G लाँच केला आहे. हा फोन MWC 2022 च्या मंचावरून जगासमोर ठेवण्यात आला आहे.
Poco X4 Pro 5G ची किंमत
Poco X4 Pro 5G चे दोन व्हेरिएंट बाजारात आले आहेत. यातील 6 जीबी रॅम आणि 128 जीबी स्टोरेज मॉडेलची किंमत 299 युरो (25,300 रुपये) ठेवण्यात आली आहे. तर 8 जीबी रॅम आणि 256 जीबी स्टोरेज मॉडेलसाठी 349 यूरो (सुमारे 29,500 रुपये) द्यावे लागतील. सध्या जागतिक बाजारात आलेला हा फोन लवकरच भारतात देखील येऊ शकतो.
Poco X4 Pro 5G चे स्पेसिफिकेशन
फोनमध्ये कंपनीनं 6.67 इंचाच्या फुल एचडी+ अॅमोलेड डिस्प्लेचा वापर केला आहे. हा डिप्सले 1200 निट्स की पीक ब्राईटनेस आणि 120Hz रिफ्रेश रेटला सपोर्ट करतो. या मोबाईलमध्ये अँड्रॉइड 11 आधारित MIUI 13 देण्यात आला आहे. प्रोसेसरसाठी यात स्नॅपड्रॅगन 695 चिपसेट देण्यात आला आहे. पोकोच्या या नव्या स्मार्टफोनमध्ये 8 जीबी पर्यंत रॅम आणि 256 जीबी पर्यंतची इंटरनल स्टोरेज मिळते.
फोटोग्राफीसाठी Poco X4 Pro 5G मध्ये एलईडी फ्लॅशसह ट्रिपल रियर कॅमेरा सेटअप देण्यात आला आहे. यात 108 मेगापिक्सलचा प्रायमरी कॅमेरा, 8 मेगापिक्सलची अल्ट्रा-वाईड अँगल लेन्स आणि 2 मेगापिक्सलची मॅक्रो लेन्स आहे. सेल्फीसाठी 16 मेगापिक्सलचा फ्रंट कॅमेरा मिळतो. या पोको फोनमधील 5000mAh ची बॅटरी 67 वॉट फास्ट चार्जिंगला सपोर्ट करते.
हे देखील वाचा:
- 18GB दमदार RAM सह Lenovo Legion Y90 गेमिंग फोन लाँच; इतकी आहे मोठया बॅटरीसह येणाऱ्या मोबाईलची किंमत
- 15 हजारांच्या आत फाडू फोन; 11GB RAM, 64MP कॅमेरा आणि 33W फास्ट चार्जिंगसह POCO M4 Pro ची भारतात एंट्री
- MWC 2022: अगदी छोटे डिटेल्सही दिसतील या 10.61 इंचाच्या 2K डिस्प्लेवर; दमदार बॅटरीसह Lenovo चा फाडू टॅब आला