Xiaomi 11 Lite NE 5G हा कंपनीचा सर्वात हलका 5G फोन असल्याचं कंपनीनं लाँचच्या वेळी सांगितलं होतं. आता या डिवाइसची किंमतीही 9000 रुपयांनी हलकी झाली आहे. ई-कॉमर्स प्लॅटफॉर्म अ‍ॅमेझॉन इंडियावर शाओमीचा हा दमदार फोन डिस्काउंटसह उपलब्ध झाला आहे. यात 64MP कॅमेरा, 6GB RAM, 33W फास्ट चार्जिंग आणि Snapdragon 778G प्रोसेसर मिळतो.
अशी आहे ऑफर
Xiaomi 11 Lite NE 5G च्या 6 जीबी रॅम आणि 128 जीबी स्टोरेज असलेल्या बेस मॉडेलची मूळ किंमत 31,999 रुपये आहे. परंतु अ‍ॅमेझॉनकडून मिळणाऱ्या 22 टक्के डिस्काउंटनंतर हा हँडसेट 24,999 रुपयांमध्ये विकला जात आहे. 2000 रुपयांचा अतिरिक्त डिस्काउंट मिळवण्यासाठी तुम्हाला प्रीपेड ऑर्डर द्यावी लागेल, अर्थात कॅश ऑन डिलिव्हरीवर ही सूट मिळणार नाही. त्यामुळे Xiaomi 11 Lite NE 5G स्मार्टफोन तुम्ही फक्त 23,999 रुपयांमध्ये घरी आणू शकता.
Xiaomi 11 Lite NE 5G चे स्पेसिफिकेशन्स
या फोनमध्ये 6.55-इंचाचा FHD+ अ‍ॅमोलेड डिस्प्ले देण्यात आला आहे. हा फोन 2400×1080 पिक्सल रिजोल्यूशन, डॉल्बी व्हिजन, HDR10+, 90Hz रिफ्रेश रेट आणि 240Hz टच सॅम्पलिंग रेटला सपोर्ट करतो. Xiaomi 11 Lite 5G NE मध्ये कंपनीने क्वॉलकॉम स्नॅपड्रॅगन 778G चिपसेटचा वापर केला आहे. हा एक 5G प्रोसेसर आहे. तसेच फोनमध्ये 8GB पर्यंतचा रॅम आणि 256GB पर्यंतची स्टोरेज देण्यात आली आहे. ही स्टोरेज मायक्रोएसडी कार्डच्या मदतीने 1TB पर्यंत वाढवता येते.
फोटोग्राफीसाठी Xiaomi 11 Lite 5G NE च्या बॅक पॅनलवर तीन कॅमेरे असलेला सेटअप मिळतो. ज्यात 64MP चा मुख्य कॅमेरा, 8MP ची वाईड-अँगल लेन्स आणि 5MP चा टेलीमॅक्रो कॅमेरा आहे. फ्रंट पॅनलवरील 20MP चा कॅमेरा सेल्फी आणि व्हिडीओ कॉल करण्याच्या कामी येतो. पॉवर बॅकअपसाठी या डिवाइसमध्ये 4,250mAh ची बॅटरी 33W फास्ट चार्जिंग सपोर्टसह देण्यात आली आहे.
या फोनमध्ये MIUI 12.5 ही कंपनीची कस्टम स्किन देण्यात आली आहे, जी Android 11 वर आधारित आहे. सिक्योरिटीसाठी या फोनमध्ये साईड माउंटेड फिंगरप्रिंट सेन्सर मिळतो. Xiaomi 11 Lite 5G NE नावाप्रमाणे पातळ आणि हलका फोन आहे, ज्याची जाडी 6.81mm आणि वजन फक्त 158 ग्राम आहे. या फोनमध्ये 12 5G बँड देण्यात आले आहेत.