Xiaomi नं गेल्यावर्षी सर्वात स्लिम 5G Phone भारतात सादर केला होता. Xiaomi 11 Lite NE 5G हा कंपनीचा वजनाने सर्वात हलका स्मार्टफोन देखील आहे. आता हा फोन शाओमीच्या फ्लॅगशिप डेज सेलमध्ये मोठ्या डिस्काउंटसह विकत घेण्याची संधी देण्यात आली आहे. हा डिस्काउंट आजच आलेल्या Xiaomi 11i HyperCharge 5G आणि Xiaomi 11i 5G या स्मार्टफोन्समुळे दिला जात असल्याची चर्चा आहे.
Xiaomi 11 Lite NE 5G ची किंमत
Xiaomi 11 Lite NE 5G स्मार्टफोनचा बेस व्हेरिएंट सध्या 21,499 रुपयांमध्ये विकत घेता येईल. ही किंमत शाओमी फ्लॅगशिप डे पूर्ती मर्यादित असेल. हा सेल 10 जानेवारीपर्यंत सुरु राहणार आहे. या डिस्काउंटसाठी कंपनीच्या वेबसाईटवरील विविध ऑफर्सची मदत घ्यावी लागेल.
Xiaomi 11 Lite NE 5G चे स्पेसिफिकेशन्स
या फोनमध्ये 6.55-इंचाचा FHD+ अॅमोलेड डिस्प्ले देण्यात आला आहे. हा फोन 2400×1080 पिक्सल रिजोल्यूशन, डॉल्बी व्हिजन, HDR10+, 90Hz रिफ्रेश रेट आणि 240Hz टच सॅम्पलिंग रेटला सपोर्ट करतो. Xiaomi 11 Lite 5G NE मध्ये कंपनीने क्वॉलकॉम स्नॅपड्रॅगन 778G चिपसेटचा वापर केला आहे. हा एक 5G प्रोसेसर आहे. तसेच फोनमध्ये 8GB पर्यंतचा रॅम आणि 256GB पर्यंतची स्टोरेज देण्यात आली आहे. ही स्टोरेज मायक्रोएसडी कार्डच्या मदतीने 1TB पर्यंत वाढवता येते.
या फोनमध्ये MIUI 12.5 ही कंपनीची कस्टम स्किन देण्यात आली आहे, जी Android 11 वर आधारित आहे. सिक्योरिटीसाठी या फोनमध्ये साईड माउंटेड फिंगरप्रिंट सेन्सर मिळतो. Xiaomi 11 Lite 5G NE नावाप्रमाणे पातळ आणि हलका फोन आहे, ज्याची जाडी 6.81mm आणि वजन फक्त 158 ग्राम आहे. या फोनमध्ये 12 5G बँड देण्यात आले आहेत.
फोटोग्राफीसाठी Xiaomi 11 Lite 5G NE च्या बॅक पॅनलवर तीन कॅमेरे असलेला सेटअप मिळतो. ज्यात 64MP चा मुख्य कॅमेरा, 8MP ची वाईड-अँगल लेन्स आणि 5MP चा टेलीमॅक्रो कॅमेरा आहे. फ्रंट पॅनलवरील 20MP चा कॅमेरा सेल्फी आणि व्हिडीओ कॉल करण्याच्या कामी येतो. पॉवर बॅकअपसाठी या डिवाइसमध्ये 4,250mAh ची बॅटरी 33W फास्ट चार्जिंग सपोर्टसह देण्यात आली आहे.
हे देखील वाचा:
तुम्ही तयार होण्याआधीच फुलचार्ज होईल हा स्मार्टफोन; 108MP कॅमेरा काढणार शानदार फोटो
फक्त 139 रुपयांमध्ये घरी आणा SmartWatch; सिंगल चार्जमध्ये 5 दिवस वापरा Fire-Boltt Ultron