शाओमीचा सर्वात हलका आणि स्लिम 5G Phone भारतात Xiaomi 11 Lite NE 5G नावाने सादर केला आहे. हा फोन 90Hz रिफ्रेश रेट, Snapdragon 778G प्रोसेसर 64MP रियर कॅमेरा आणि 33W फास्ट चार्जिंग सपोर्ट अशा फीचर्ससह सादर करण्यात आला आहे. हा फोन 2 ऑक्टोबरपासून ई-कॉमर्स साईट अ‍ॅमेझॉन आणि कंपनीच्या अधिकृत वेबसाईटवर खरेदीसाठी उपलब्ध होईल.
Xiaomi 11 Lite NE 5G चे स्पेसिफिकेशन्स
या फोनमध्ये 6.55-इंचाचा FHD+ अ‍ॅमोलेड डिस्प्ले देण्यात आला आहे. हा फोन 2400×1080 पिक्सल रिजोल्यूशन, डॉल्बी व्हिजन, HDR10+, 90Hz रिफ्रेश रेट आणि 240Hz टच सॅम्पलिंग रेटला सपोर्ट करतो. Xiaomi 11 Lite 5G NE मध्ये कंपनीने क्वॉलकॉम स्नॅपड्रॅगन 778G चिपसेटचा वापर केला आहे. हा एक 5G प्रोसेसर आहे. तसेच फोनमध्ये 8GB पर्यंतचा रॅम आणि 256GB पर्यंतची स्टोरेज देण्यात आली आहे. ही स्टोरेज मायक्रोएसडी कार्डच्या मदतीने 1TB पर्यंत वाढवता येते.
या फोनमध्ये MIUI 12.5 ही कंपनीची कस्टम स्किन देण्यात आली आहे, जी Android 11 वर आधारित आहे. सिक्योरिटीसाठी या फोनमध्ये साईड माउंटेड फिंगरप्रिंट सेन्सर मिळतो. Xiaomi 11 Lite 5G NE नावाप्रमाणे पातळ आणि हलका फोन आहे, ज्याची जाडी 6.81mm आणि वजन फक्त 158 ग्राम आहे. या फोनमध्ये 12 5G बँड देण्यात आले आहेत.
फोटोग्राफीसाठी Xiaomi 11 Lite 5G NE च्या बॅक पॅनलवर तीन कॅमेरे असलेला सेटअप मिळतो. ज्यात 64MP चा मुख्य कॅमेरा, 8MP ची वाईड-अँगल लेन्स आणि 5MP चा टेलीमॅक्रो कॅमेरा आहे. फ्रंट पॅनलवरील 20MP चा कॅमेरा सेल्फी आणि व्हिडीओ कॉल करण्याच्या कामी येतो. पॉवर बॅकअपसाठी या डिवाइसमध्ये 4,250mAh ची बॅटरी 33W फास्ट चार्जिंग सपोर्टसह देण्यात आली आहे.
Xiaomi 11 Lite NE 5G ची किंमत
Xiaomi 11 Lite 5G NE चे दोन व्हेरिएंट भारतीय बाजारात सादर करण्यात आले आहेत. फोनच्या 6GB RAM आणि 128GB इंटरनल स्टोरेज मॉडेलची किंमत 26,999 रुपये आणि 8GB RAM व्हेरिएंटची किंमत 28,999 रुपये आहे. हा फोन अ‍ॅमेझॉन इंडिया, शाओमीच्या अधिकृत साइट आणि ऑफलाइन स्टोरवर 2 ऑक्टोबरपासून खरेदीसाठी उपलब्ध होईल.