विवो लवकरच भारतात Vivo V21 Pro आणि Vivo V21 SE स्मार्टफोन 15 जुलैला भारतात लाँच करणार आहे. त्याचबरोबर कंपनी बजेट सेगमेंटमध्ये Vivo Y72 5G आणि फ्लॅगशिप सेगमेंटमध्ये Vivo X70 सीरीज लाँच करण्याची तयारी करत आहे. आता 91 Mobiles आणि टिपस्टर योगेश बरार यांनी Vivo V21 Pro आणि Vivo Y72 5G स्मार्टफोनच्या किंमतीची माहिती दिली आहे. तसेच विवोच्या पहिल्या स्मार्टवॉचची माहिती देखील समोर आली आहे.
Vivo V21 Pro आणि Vivo Y72 5G ची किंमत
भारतात Vivo V21 Pro ची किंमत 32,990 रुपयांपासून सुरु होऊ शकते, अशी माहिती 91Mobiles च्या रिपोर्टमधून समोर आली आहे. हा स्मार्टफोन या महिन्यात लाँच केला जाऊ शकतो. 5G नेटवर्क, 64MP कॅमेरा आणि 33W फास्ट चार्जिंग ही या स्मार्टफोनची वैशिष्ट्ये असतील.
Vivo Y72 5G चा 8GB रॅम व्हेरिएंट भारतात 22,990 रुपयांमध्ये सादर केला जाऊ शकतो. हा विवो स्मार्टफोन 15 जुलै रोजी भारतात MediaTek Dimensity 700 चिपसेट, 64MP ट्रिपल रियर कॅमेरा आणि 5,000mAh बॅटरीसह सादर केला जाऊ शकतो.
Vivo चा पहिला Smartwatch आणि Vivo X70 सीरिज
Vivo ने रिटेल पार्टनर्स सोबत मिळून स्मार्टवॉच संबंधित एक सर्वे केल्याची माहिती 91mobile ने दिली आहे. हा सर्वे नवीन स्मार्टवॉच लाँच करण्याच्या नियोजनाचा भाग असू शकतो, असा अंदाज लावला जात आहे. ही बातमी खरी ठरल्यास काही महिन्यातच आपल्या Vivo Smartwatch बाजारात बघायला मिळेल. त्याचबरोबर कंपनी सप्टेंबरमध्ये IPL 2021 दरम्यान भारतात Vivo X70 सीरिज लाँच करू शकते. Vivo X70 सीरिज गेल्यावर्षीच्या Vivo X60 सीरिजची जागा घेईल.