मुंबई- अॅमेझॉन इंडियाने सॅमसंग कार्निवलचं नवं एडिशन सुरू केलं आहे. अॅमेझॉनने यावेळी सॅमसंग कार्निवलला 20-20 चं नाव दिलं आहे. अॅमेझॉनवर सुरू असणारा हा सेल शनिवारी (21 एप्रिल)पर्यंत सुरू राहणार असून या कार्निवलमध्ये सॅमसंग स्मार्टफोनवर भरघोस सुट व एक्सचेंज ऑफर मिळणार आहे.
या सेलमध्ये, अॅमेझॉनवर एक्सक्लुसिव्ह मिळणारा सॅमसंग गॅलेक्सी एस 8 प्लस या स्मार्टफोनवर 3 हजार रुपये सूट मिळते आहे. या डिव्हाइसची किंमत 32 हजार 990रुपये आहे. पण सेलमध्ये हा फोन आता 29 हजार 999 रुपयांना मिळतो आहे. याशिवाय ईआयएमवरही हा फोन मिळत असून 10 हजार 331 रुपयांची एक्सचेंज ऑफरही देण्यात आली आहे. याशिवाय फोनवर 1555 रुपयांचं डिस्काऊंट आहे. गॅलेक्सी एस8 प्लस ड्युअल फ्रंट कॅमेरा असणारा पहिला स्मार्टफोन आहे. यामध्ये 16 आणि 8 मेगापिक्सेलचे दोन फ्रंट आणि 16 मेगापिक्सेलचा बॅक कॅमेरा आहे.
याशिवाय गॅलेक्सी ऑन 7 प्राइमवरही सूट दिली जाते आहे. या फोनही अॅमेझॉन एक्सक्लुझिव्ह आहे. 32 जीबी आणि 64जीबी स्टोरेज असणाऱ्या या डिव्हाइसवर इ-कॉमर्स साइटवर 2 हजार रुपयांची सूट मिळते आहे. दोन फोन क्रमशः 10 हजार 990 आणि 12 हजार 990 रुपयांना मिळतो आहे. एक्सचेंज ऑफरसह युजर्सना या फोनवर 1000 रुपयांची सूट मिळेल. म्हणजेच फोनवर एकुण 3 हजार रुपयांचं डिस्काऊंट मिळेल.
सॅमसंग गॅलेक्सी ऑन 7 प्रो या फोनवरही डिस्काऊंट आहे. या फोनची किंमत 7 हजार 990 रुपये आहे. या फोनवर 1 हजार रुपये सूट मिळते आहे. त्यामुळे युजर्सना हा फोन 6 हजार 990 रुपयांना मिळणार आहे.