Samsung चा आगामी 5G स्मार्टफोन Galaxy M52 ब्लूटूथ एसआयजीवर लिस्ट करण्यात आला आहे. य लिस्टिंगमधून या फोनची महत्वाची माहिती समोर आली आहे. हा फोन Bluetooth SIG वर SM-M526B_DS आणि SM-M526BR_DS मॉडेल नंबरसह लिस्ट करण्यात आला आहे. 6 सप्टेंबरची ही लिस्टिंग मायस्मार्टप्राइस वेबसाईटने सर्वप्रथम बघितली आहे. विशेष म्हणजे या सर्टिफिकेशनमध्ये सॅमसंग गॅलेक्सी एम52 च्या नावाचा उल्लेख देखील करण्यात आला आहे. या लिस्टिंगनुसार या फोनमध्ये ब्लूटूथ वी5.0 सपोर्ट देण्यात आला आहे.
Samsung Galaxy M52 5G चे लीक स्पेसिफिकेशन्स
सॅमसंग गॅलेक्सी एम52 5जी फोनमध्ये 6.7 इंचाचा फुलएचडी+ सुपर अ‍ॅमोलेड डिस्प्ले मिळू शकतो. इन्फिनिटी ‘ओ’ डिजाईनसह येणारा हा डिस्प्ले 2400 X 1080 पिक्सल रिजोल्यूशनला सपोर्ट करेल. या डिस्प्लेला कोर्निंग गोरिल्ला ग्लास 5 ची सुरक्षा देण्यात येईल. प्रोसेसिंगसाठी या फोनमध्ये क्वॉलकॉम स्नॅपड्रॅगन 778जी देण्यात येईल. हा फोन अँड्रॉइड 11 आधारित सॅमसंगच्या वनयुआय 3.1 वर चालेल.
Samsung Galaxy M52 5G मध्ये 8GB पर्यंतचा RAM आणि 128GB पर्यंतची इंटरनल स्टोरेज मिळू शकते. हा फोन 1TB पर्यंतच्या मायक्रोएसडी कार्ड सपोर्टसह सादर केला जाऊ शकतो. या फोनमधील बॅटरी क्षमतेची माहिती मिळाली नाही. परंतु यात 15वॉट फास्ट चार्जिंग सपोर्ट मिळेल. या फोनमधील ट्रिपल रियर कॅमेरा सेटअपमध्ये 64MP चा मुख्य कॅमेरा, 12MP ची अल्ट्रा वाईड अँगल लेन्स आणि 5MP चा डेप्थ सेन्सर मिळेल. तसेच सेल्फी आणि व्हिडीओ कॉलिंगसाठी फोनमध्ये 32MP चा फ्रंट कॅमेरा मिळू शकतो.