Jio Freedom Plan: रिलायन्स जिओ ही देशातील सर्वात मोठी टेलिकॉम कंपनी आहे. या कंपनीचे ४८ कोटींहून अधिक ग्राहक आहेत. कंपनीने अलीकडेच आपल्या प्लॅन्समध्ये बदल केले आहेत. तसेच, अनेक प्लॅन्स हटविले आहेत आणि बहुतेक प्लॅन्सच्या किमती वाढवण्यात आल्या आहेत.
पण जिओ अजूनही आपल्या ग्राहकांना अनेक चांगल्या ऑफर देत आहे. जर तुमच्याकडे जिओ सिम असेल आणि तुम्ही स्वस्त प्लॅन शोधत असाल तर कंपनीने एक नवीन प्लॅन सुरु केला आहे. जिओ फ्रीडम (Jio Freedom) प्लॅनमध्ये तुम्हाला फ्री कॉलिंग आणि डेटा सारख्या सुविधा मिळतील. त्याबद्दल जाणून घ्या...
जिओ फ्रीडम प्लॅनची किंमत ३५५ रुपये आहे. तसेच, या प्लॅनची व्हॅलिडिटी ३० दिवसांसाठी आहे. हा प्लॅन इतर जिओ प्लॅनपेक्षा वेगळा आहे. यामध्ये जिओ ग्राहकांना ३० दिवस मोफत कॉलिंग मिळेल. याशिवाय या प्लॅनमध्ये एकूण २५ जीबी डेटा मिळेल, आणि त्याची खास गोष्ट म्हणजे यामध्ये कोणतीही डेली डेटा लिमिट नाही. तुम्हाला हवा असल्यास, तुम्ही एकाच दिवसात किंवा संपूर्ण ३० दिवसांत सर्व २५ जीबी डेटा वापरू शकता. तसेच, या प्लॅनमध्ये दररोज १०० मोफत एसएमएसही मिळतील.
Jio Rs 349 Planजिओने आपल्या हिरो प्लॅन्समध्ये (Hero Plans) एक नवीन प्लॅन लॉन्च केला आहे, ज्याची किंमत ३४९ रुपये आहे. ज्यांना कमी वेळेत जास्त डेटा हवा आहे, त्यांच्यासाठी हा प्लॅन चांगला आहे. हा प्लॅन २८ दिवसांसाठी वैध आहे आणि यामध्ये तुम्ही कोणत्याही नेटवर्कवर कोणत्याही मर्यादेशिवाय कॉल करू शकता.
या प्लॅनमध्ये एकूण ५६ जीबी डेटा मिळणार आहे. म्हणजेच दररोज २ जीबी डेटा मिळेल. विशेष बाब म्हणजे या प्लॅनमध्ये ५ जी डेटा देखील मिळेल, जर तुमच्या परिसरात ५ जी असेल तर तुम्ही या प्लॅनचा फायदा घेऊ शकता. याशिवाय, जिओ सिनेमाचे मोफत सबस्क्रिप्शन, जिओ टीव्ही आणि जिओ क्लाउडचा मोफत वापर या प्लॅनमध्ये मिळत आहे.