Xiaomi नं काही दिवसांपूर्वी Redmi Smart TV X43 भारतात सादर केला आहे. यात 4K डिस्प्ले, 30W स्पीकर आणि Android TV 10 ऑपरेटिंग सिस्टम देण्यात आली आहे. हा टीव्ही आजपासून खरेदीसाठी उपलब्ध झाला आहे. या 43 इंचाच्या स्मार्ट टीव्हीची किंमत कंपनीनं 28,999 रुपये ठेवली आहे.
Redmi Smart TV X43 तुम्ही अ‍ॅमेझॉन इंडिया आणि mi.com वरून विकत घेऊ शकता. हा टीव्ही तुम्ही कोटक बँकेच्या क्रेडिट किंवा डेबिट कार्डनं विकत घेतल्यास 1500 रुपये डिस्काउंट मिळेल. तसेच Redmi Smart TV X43 ऑफलाईन रिटेल स्टोर्सवर देखील खरेदीसाठी उपलब्ध होईल.
Redmi Smart TV X43 चे स्पेसिफिकेशन्स
रेडमी स्मार्ट टीव्ही एक्स43 हा सीरिजमधील सर्वात छोटा टीव्ही आहे. ज्यात 43 इंचाचा 4K OLED डिस्प्ले देण्यात आला आहे. स्लिम बेजल डिजाईन येणारा नवीन रेडमी स्मार्ट टीव्ही HDR ला देखील सपोर्ट करतो. यात अँड्रॉइड टीव्ही 10 ओएस आधारित पॅचवॉल 4 युआय देण्यात आला आहे. यात मुव्ही रेटिंगसाठी IMDB इंटीग्रेटेड आहे. तसेच यात 15 पेक्षा जास्त भाषांमध्ये 30 पेक्षा जास्त कंटेंट पार्टनर्स देखील या टीव्हीशी जोडण्यात आले आहेत.
या व्हर्च्युअल एक्स आणि डॉल्बी एटमॉसला सपोर्टसह 30W चे स्पिकर देण्यात आले आहेत. कनेक्टिव्हिटी ऑप्शनमध्ये तीन HDMI 2.1 स्लॉट, दोन USB पोर्ट, एक ईथरनेट पोर्ट, एक ऑप्टिकल आणि 3.5 मिमी जॅकचा समावेश. यात गेमर्ससाठी खास गेमिंग मोड मिळतो ज्यात 4K 60fps वर 5ms ची लेटन्सी मिळते.
हे देखील वाचा: