Realme Narzo 50A Prime स्मार्टफोन कंपनीनं गेल्या आठवड्यात भारतात सादर केला होता. आज पहिल्यांदाच याची विक्री करण्यात येईल. विशेष म्हणजे पाहिल्यास सेलमध्ये हा डिवाइस डिस्काउंटसह उपलब्ध होणार आहे. त्यामुळे तुमचं बजेट 10 हजार रुपये असेल तर तुम्ही हा 50MP कॅमेरा, Unisoc T612 चिपसेट, 4GB आणि 5000mAh असलेला डिवाइस सहज विकत घेऊ शकता.
किंमत आणि ऑफर्स
Realme Narzo 50A Prime स्मार्टफोनचा बेस व्हेरिएंट 4GB रॅम व 64GB स्टोरेजसह 11,499 रुपयांमध्ये विकत घेता येईल. तर 4GB रॅम आणि 128GB स्टोरेजची किंमत 12,499 रुपये ठेवण्यात आली आहे. हा स्मार्टफोन फ्लॅश ब्लॅक आणि फ्लॅश ब्लू कलरमध्ये कंपनीच्या अधिकृत वेबसाईट आणि अॅमेझॉनवरून दुपारी 12 वाजल्यापासून विकत घेता येईल. हा फोन एचडीएफसी बँकेच्या कार्डनं विकत घेतल्यास 1500 रुपयांचा इन्स्टंट डिस्काउंट मिळेल. म्हणजे बेस व्हेरिएंट फक्त 9,999 रुपयांमध्ये तुमचा होईल.
Realme Narzo 50A Prime चे स्पेसिफिकेशन्स
फोटोग्राफीसाठी या फोनमध्ये ट्रिपल रियर कॅमेरा देण्यात आला आहे. ज्यात एलईडी फ्लॅशसह 50 मेगापिक्सलचा प्रायमरी सेन्सर, 2 मेगापिक्सलचा ब्लॅक अँड व्हाईड सेन्सर आणि 2 मेगापिक्सलची मॅक्रो लेन्स आहे. फ्रंटला 8 मेगापिक्सलचा सेन्सर आहे. बेसिक कनेक्टिव्हिटी फीचर्ससह सिक्योरिटीसाठी साईड फिंगरप्रिंट सेन्सर आहे. तर पावर बॅकअपसाठी 5,000एमएएच बॅटरी 18वॉट फास्ट चार्जिंगसह मिळते.
या रियलमी फोनमध्ये 6.6 इंचाचा फुलएचडी+ आयपीएस एलसीडी डिस्प्ले मिळतो. जो 600निट्स पोक ब्राईटनेसला सपोर्ट करतो. कंपनीनं हा फोन अँड्रॉइड 11 ओएस बेस्ट रियलमी युआय आर एडिशनसह सादर केला आहे. यात ऑक्टाकोर प्रोसेसरसह Unisoc T612 चिपसेट देण्यात आला आहे. सोबत 4 जीबी रॅम आणि 128 जीबी पर्यांतची इंटरनल मेमरी मिळते.