Realme ने आज एकामागून एक धमाकेदार प्रोडक्टस भारतात सादर केले आहेत. कंपनीने Realme GT आणि Realme GT Master Edition या दोन दमदार स्मार्टफोन्ससह आपला पहिला लॅपटॉप Realme Book Slim देशात लाँच केला आहे. या लॅपटॉपमध्ये कंपनीने 11th जेन इंटेल कोर प्रोसेसर दिला आहे. प्रीमियम डिजाईनसह लाँच झालेला हा लॅपटॉप नावाप्रमाणे स्लिम आणि हलका आहे. Realme Book Slim ची जाडी 14.4mm आणि वजन फक्त 1.38 किलोग्रॅम आहे.
RealmeBook Slim चे स्पेसिफिकेशन्स
RealmeBook लॅपटॉपमध्ये 14-इंचाचा 2K फुल व्हिजन आयपीसी डिस्प्ले देण्यात आला आहे. हा डिस्प्ले 3:2 अस्पेक्ट रेश्यो, 400 निट्स ब्राईटनेस आणि 90% स्क्रीन टू बॉडी रेश्योसह सादर करण्यात आला आहे. या रियलमी लॅपटॉपमध्ये 11th Gen Intel Core i5 आणि Core i3 चिपसेट मिळतात. सोबत Iris XE इंटीग्रेटेड जीपीयू देण्यात आला आहे. या लॅपटॉपमध्ये 8GB LPDDR4x RAM आणि 512GB पर्यंतची PCIe SSD स्टोरेज मिळते.
RealmeBook Slim मध्ये Windows 10 ऑपरेटिंग सिस्टम प्री-इंस्टॉल मिळते, जी Windows 11 वर अपडेट करता येईल. कनेक्टिव्हिटीसाठी या लॅपटॉपमध्ये एक USB 3.2 Gen 2 Type-C पोर्ट, एक USB-A 3.1 Gen पोर्ट, एक Thunderbolt 4 पोर्ट, Wi-Fi 6, Bluetooth आणि 3.5mm हेडफोन जॅक मिळतो. सिक्योरिटीसाठी पावर बटनमध्ये फिंगर प्रिंट एम्बेड करण्यात आला आहे. या रियलमी लॅपटॉपमधील 54Wh बॅटरी 11 तासांचा बॅटरी बॅकअप देते आणि 65W फास्ट चार्जिंगला सपोर्ट करते.
Realme Book Slim ची किंमत
Intel Core i3, 8GB RAM + 256GB: 46,999 रुपये (इंट्रोडक्टरी ऑफर अंतर्गत 44,999 रुपये)
Intel Core i5, 8GB RAM + 512GB: 59,999 रुपये (इंट्रोडक्टरी ऑफर अंतर्गत 56,999 रुपये)
Realme Book Slim लॅपटॉप 30 ऑगस्ट दुपारी 12 वाजल्यापासून Flipkart, realme.com आणि ऑथराइज्ड Realme रिटेलटर्सकडून विकत घेता येईल.