Realme 8s स्मार्टफोन Flipkart लिस्ट; Dimensity 810 सह होणार लवकरच भारतात लाँच 

Realme 8s Flipkart Listing: कंपनी Realme 8s आणि Realme 8i स्मार्टफोन याच महिन्यात बाजारात आणू शकते. या स्मार्टफोनसह कंपनी रियलमी पॅड देखील सादर करू शकते.

Realme 8s स्मार्टफोनच्या लाँचची तयारी कंपनीने सुरु केली आहे. कारण आता Realme 8s स्मार्टफोन Flipkart वर टीज करण्यात आला आहे. या ई-कॉमर्स वेबसाइटवर कंपनीने एक पेज लाईव्ह केले आहे. या फ्लिपकार्टवरील मायक्रोसाईटवर या स्मार्टफोनच्या नावाचा उल्लेख करण्यात आला नाही. परंतु इथे MediaTek Dimensity 810 प्रोसेसरसह येणाऱ्या 5G स्मार्टफोनचा उल्लेख आहे, जो Realme 8s आहे. या स्मार्टफोनसह कंपनी रियलमी पॅड देखील सादर करू शकते. या पेजवर कोणत्याही तारखेचा उल्लेख नाही परंतु या टीजरवरून कंपनी Realme 8s आणि Realme 8i स्मार्टफोन याच महिन्यात बाजारात आणू शकते, असे वाटत आहे. 

Realme 8s चे संभाव्य स्पेसिफिकेशन्स   

रियलमी 8एस स्मार्टफोनमध्ये 90हर्ट्ज रिफ्रेश रेटसह 6.5 इंचाचा डिस्प्ले दिला जाऊ शकतो. या फोनमध्ये मीडियाटेकचा डायमनसिटी 810 चिपसेट 5G कनेक्टीव्हीसह दिला जाऊ शकतो. हा फोन 8GB पर्यंत रॅम आणि 256GB पर्यंतची स्टोरेज मिळू शकते. हा नवीन रियलमी फोन अँड्रॉइड 11 आधारित रियलमी युआय 2.0 सह येईल.     

Realme 8s मधील ट्रिपल रियर कॅमेरा सेटअपमध्ये एलईडी फ्लॅशसह 64 मेगापिक्सलचा मुख्य कॅमेरा दिला जाऊ शकतो. या फोनमध्ये 16 मेगापिक्सलचा फ्रंट कॅमेरा मिळू शकतो. तसेच या रियलमी फोनमधील 5,000एमएएचची बॅटरी 33वॉट डार्ट फास्ट चार्जिंगला सपोर्ट करेल. या फोनची प्रारंभिक किंमत 15,000 रुपयांच्या आसपास असू शकते.