Realme लवकरच आपल्या ‘रियलमी 8’ सीरीजमधील दोन नवीन स्मार्टफोन भारतात सादर करणार आहे. गेले कित्येक दिवस बातम्यांमध्ये असलेले Realme 8i आणि Realme 8s 5G हे दोन फोन भारतीयांच्या भेटीला येत आहेत. आज कंपनीने सोशल मीडियाच्या माध्यमातून या दोन्ही स्मार्टफोनच्या लाँच डेटची माहिती दिली आहे. हे दोन्ही स्मार्टफोन येत्या 9 सप्टेंबरला भारतात लाँच केले जातील.
9 सप्टेंबर रोजी एका ऑनलाईन इव्हेंटच्या माध्यमातून Realme 8 Series मध्ये रियलमी 8आय आणि रियलमी 8एस 5जी स्मार्टफोन सादर करण्यात येईल. 9 सप्टेंबरला दुपारी 12 वाजून 30 मिनिटांनी या लाँच इव्हेंटचे लाईव्ह स्ट्रीमिंग कंपनीच्या वेबसाईटवर करण्यात येईल. त्याचबरोबर यूट्यूब चॅनेल आणि कंपनीच्या सोशल मीडिया प्लॅटफॉर्मवरून Realme 8i आणि Realme 8s 5G चा लाँच इव्हेंट बघता येईल.
Realme 8s 5G फोनचे स्पेसिफिकेशन्स
Realme 8s 5G मध्ये 6.5 इंचाचा डिस्प्ले 90Hz डिस्प्लेसह देण्यात येईल. यात कंपनीने नवीन MediaTek Dimensity 810 5G चिपसेटचा वापर करणार आहे. तसेच हा फोन डायनॉमिक रॅम एक्सपान्शन टेक्नॉलॉजी (DRE) ला सपोर्ट करेल. या फोनमध्ये 33वॉट फास्ट चार्जिंगसह 5,000एमएएच बॅटरी मिळू शकते. Realme 8s मध्ये 64MP चा रियर कॅमेरा असल्याचे देखील लीकमधून समजले आहे.
Realme 8i चे स्पेसिफिकेशन्स
9 ऑगस्टला लाँच होणाऱ्या दोन स्मार्टफोन्सपैकी रियलमी 8आय स्वस्त फोन असेल. Realme 8i स्मार्टफोनमध्ये 120Hz रिफ्रेश रेट असलेला मोठा डिस्प्ले मिळेल, असे कंपनीने सांगितले आहे. प्रोसेसिंगसाठी या फोनमध्ये MediaTek Helio G96 प्रोसेसर दिला जाईल. या चिपसेटसह भारतात येणारा हा पहिला फोन आहे. रियलमी 8आय गेमिंग मोड आणि डायनॉमिक रॅम एक्सपान्शन टेक्नॉलॉजीसह सादर केला जाऊ शकतो.