Poco M4 5G: पोकोचा बजेट फ्रेंडली 5G Phone झाला लाँच; 50MP कॅमेरा आणि 8GB रॅमसह POCO M4 Pro सादर
By सिद्धेश जाधव | Published: November 9, 2021 07:41 PM2021-11-09T19:41:21+5:302021-11-09T19:42:36+5:30
Poco M4 5G Price and Launch: पोको एम4 प्रो 5जी चे स्पेसिफिकेशन्स चीनमध्ये आलेल्या Redmi Note 11 5G सारखे आहेत. त्यामुळे हा एक रीब्रँडेड व्हर्जन असल्याचे दिसत आहे.
Poco M4 5G: पोकोचा बजेट फ्रेंडली 5G Phone झाला लाँच; 50MP कॅमेरा आणि 8GB रॅमसह POCO M4 Pro सादर
Next Poco M4 Pro 5G स्मार्टफोन आज कंपनीने जागतिक बाजारात सादर केला आहे. या फोनमध्ये 50MP कॅमेरा, 33W फास्ट चार्जिंग आणि 90Hz रिफ्रेश रेट असे जबरदस्तफीचर्स देण्यात आले आहे. पोको एम4 प्रो 5जी चे स्पेसिफिकेशन्स चीनमध्ये आलेल्या Redmi Note 11 5G सारखे आहेत. त्यामुळे हा एक रीब्रँडेड व्हर्जन असल्याचे दिसत आहे.
Poco M4 Pro 5G चे स्पेसिफिकेशन्स
Poco M4 Pro 5G मध्ये कंपनीने 6.6 इंचाचा डिस्प्ले दिला आहे. हा डिस्प्ले 90Hz रिफ्रेश रेटला सपोर्ट करतो. प्रोसेसिंगसाठी कंपनीने MediaTek Dimensity 810 चिपसेटचा वापर केला आहे. त्याचबरोबर 6GB पर्यंत RAM आणि 128GB पर्यंतची स्टोरेज देण्यात आली आहे. या फोनचे दोन व्हेरिएंट जागतिक बाजारात आले आहेत.
Poco M4 Pro 5G स्मार्टफोनमध्ये ड्युअल रियर कॅमेरा सेटअप देण्यात आला आहे. ज्यात 50MP चा प्रायमरी कॅमेरा आणि 119 डीग्री वाईड अँगल सेन्सर देण्यात आला आहे. तसेच सेल्फी आणि व्हिडीओ कॉलिंगसाठी 16 मेगापिक्सलचा सेल्फी कॅमेरा देण्यात आला आहे. फोनमधेही 5000mAh ची बॅटरी आणि 33W फास्ट चार्जिंगला सपोर्ट करते.
Poco M4 Pro 5G ची किंमत
Poco M4 Pro 5G स्मार्टफोनचा छोटा 4GB RAM आणि 64GB स्टोरेज असलेल व्हेरिएंट 199 युरो (सुमारे 18,700 रुपये) मध्ये सादर करण्यात आला आहे. तर 6GB RAM आणि 128GB व्हेरिएंटसाठी 219 युरो (सुमारे 22,200 रुपये) मोजावे लागतील. या फोनच्या भारतीय लाँचची अधिकृत माहिती समोर आली नाही, परंतु कंपनीचा इतिहास पाहता हा फोन लवकरच देशात दिसू शकतो.