POCO ने गेल्या महिन्यात आपला आगामी स्मार्टफोन POCO F3 GT सोशल मीडियावर टीज करण्यास सुरुवात केली होती. लोकप्रिय एफ सीरिजमध्ये हा स्मार्टफोन लाँच होत असल्यामुळे पोकोचे चाहते देखील या स्मार्टफोन्सच्या लाँचसाठी उत्सुक आहेत. आज कंपनीने आपल्या नवीन मोबाईल फोनची लाँच डेट सांगितली आहे. POCO F3 GT स्मार्टफोन येत्या 23 जुलैला भारतात लाँच केला जाईल.
पोको इंडियाने आज अधिकृतपणे सांगितले आहे कि, POCO F3 GT पुढल्या आठवड्यात 23 जुलैला भारतात लाँच केला जाईल. 23 जुलैला एका ऑनलाईन इव्हेंटच्या माध्यमातून दुपारी 12 वाजता हा स्मार्टफोन भारतात सादर केला जाईल. तुम्ही हा इव्हेंट कंपनीच्या सोशल मीडिया प्लॅटफॉर्म्सवरून तसेच पोको इंडियाच्या वेबसाईटवरून लाईव्ह बघू शकता.
POCO F3 GT चे संभाव्य स्पेसिफिकेशन्स
ग्लोबल मार्केटमध्ये POCO F3 GT स्मार्टफोनमध्ये 6.7 इंचाच्या फुल एचडी+ अ‍ॅमोलेड डिस्प्लेसह लाँच करण्यात आला आहे. या स्मार्टफोनमध्ये MediaTek Dimensity 1200 SoC देण्यात आली आहे. हा फोन 6GB रॅम आणि 128GB स्टोरेजला सपोर्ट करतो. या पोको स्मार्टफोनमध्ये Android 11 वर आधारित MIUI 12 देण्यात आला आहे.
POCO F3 GT स्मार्टफोनमध्ये क्वाड रियर कॅमेरा सेटअप देण्यात आला आहे. फोनचा मुख्य कॅमेरा 64MP चा सेन्सर आहे, त्याचबरोबर 8MP चा अल्ट्रावाइड कॅमेरा सेंसर आणि 2MP चे सेंसर मॅक्रो आणि डेप्थ सेंसर असू शकतात. POCO F3 GT स्मार्टफोनमध्ये 5,065mAh ची बॅटरी देण्यात आली आहे. पोकोच्या या स्मार्टफोनचे सर्व स्पेसिफिकेशन्स Redmi K40 Gaming Edition सारखे आहेत.