भारत सरकारच्या दूरसंचार मंत्रालयाच्या अंतर्गत येणाऱ्या दूरसंचार विभागाने एक महत्त्वपूर्ण टप्पा गाठला आहे. विभागाने जाहीर केले आहे की, त्यांनी या वर्षी ऑक्टोबर महिन्यात देशभरातून चोरीला गेलेले किंवा हरवलेले ५०,००० हून अधिक मोबाईल हँडसेट परत मिळवले आहेत.
दूरसंचार विभागाने दिलेल्या माहितीनुसार, मोबाईल हँडसेट परत मिळवण्याच्या प्रमाणात दरमहा वाढ होत आहे. जून महिन्याच्या तुलनेत ऑक्टोबरमध्ये ४७ टक्क्यांनी अधिक हँडसेट परत मिळाले आहेत. या यशामुळे नागरिकांना दिलासा मिळाला आहे. दूरसंचार विभागाने २०२३ मध्ये 'संचार साथी' हा प्लॅटफॉर्म सुरू केल्यापासून आतापर्यंत सात लाखाहून अधिक मोबाईल फोन परत मिळवले आहेत. ऑल इंडिया रेडिओ पोर्टलवरून मिळालेल्या माहितीनुसार, चोरीला गेलेले मोबाईल हँडसेट परत मिळवण्यामध्ये तेलंगणा, कर्नाटक आणि महाराष्ट्र ही राज्ये आघाडीवर आहेत. 'संचार साथी' प्लॅटफॉर्मबद्दल लोकांमध्ये जागरूकता वाढत असल्यामुळे रिकव्हरीचे प्रमाणही वाढताना दिसत आहे.
दूरसंचार विभागाने लोकांना त्यांच्या स्मार्टफोनवर 'संचार साथी' ॲप इन्स्टॉल करण्याचे आवाहन केले आहे. हे ॲप केवळ चोरीला गेलेले फोन रिपोर्ट करणे, ब्लॉक करणे आणि शोधण्यात मदत करत नाही, तर यात इतरही अनेक महत्त्वपूर्ण फीचर्स आहेत. हे ॲप बनावट मोबाईल हँडसेट ओळखण्यास देखील मदत करते. वापरकर्ते या ॲप आणि पोर्टलवरील क्नो मोबाइल कनेक्शन इन युअर नेम या पर्यायावर क्लिक करून त्यांच्या नावावर किती सिम कार्ड सक्रिय आहेत हे सहजपणे तपासू शकतात. 'संचार साथी' प्लॅटफॉर्म हे नागरिकांचे मोबाईल फोन सुरक्षित ठेवण्यासाठी आणि फसवणूक टाळण्यासाठी अत्यंत महत्त्वाची भूमिका बजावत आहे.
Web Summary : India's Telecom Department recovered over 50,000 lost mobiles in October using 'Sanchar Saathi'. The app helps report, block, and locate stolen phones, also detecting fake handsets and revealing active SIMs. Telangana, Karnataka, and Maharashtra lead in recoveries.
Web Summary : भारत के दूरसंचार विभाग ने 'संचार साथी' का उपयोग करके अक्टूबर में 50,000 से अधिक खोए हुए मोबाइल बरामद किए। ऐप चोरी हुए फोन की रिपोर्ट करने, ब्लॉक करने और पता लगाने में मदद करता है, नकली हैंडसेट का पता लगाता है और सक्रिय सिम का खुलासा करता है। तेलंगाना, कर्नाटक और महाराष्ट्र वसूली में सबसे आगे हैं।