काही महिन्यांपूर्वी चीनमध्ये ओप्पोने फ्लॅगशिप Reno 6 सीरीज लाँच केली होती. या सीरिजमध्ये Oppo Reno 6, Oppo Reno 6 Pro आणि Oppo Reno 6 Pro+ करण्यात आले होते. ओप्पो आता या सीरीजचा किफायतशीर Oppo Reno 6 स्मार्टफोन भारतात लाँच करण्याची तयारी करत आहे. ओप्पोचा हा स्मार्टफोन भारतात पुढल्या आठवड्यात लाँच केला जाऊ शकतो, अशी चर्चा आहे. कंपनी भारतात Oppo Reno 6 Pro आणि Oppo Reno 6 Pro+ देखील लाँच करू शकते.
Oppo Reno 6 चे स्पेसिफिकेशन्स
Oppo च्या आगामी Oppo Reno 6 मध्ये 6.43 इंचाचा डिस्प्ले देण्यात आला आहे, ज्याचे रिजोल्यूशन FullHD+ 2400 x 1080 पिक्सल आहे. हा डिस्प्ले 90हर्ट्ज रिफ्रेश रेटला सपोर्ट करतो. या स्मार्टफोनमध्ये Mediatek Dimensity 900 SOC आणि Mali G78 जीपीयू देण्यात आला आहे. या स्मार्टफोनमध्ये Android 11 आधारित ColorOS 11.3 कस्टम युजर इंटरफेस मिळतो.
Oppo Reno 6 मध्ये ट्रिपल रियर कॅमेरा देण्यात आला आहे. या फोनमध्ये 64 मेगापिक्सलचा प्राइमरी कॅमेरा सेन्सर, 8 मेगापिक्सलची वाईड अँगल लेन्स आणि 2 मेगापिक्सलची मॅक्रो लेन्स देण्यात आली आहे. या स्मार्टफोनमध्ये 32 मेगापिक्सलचा फ्रंट कॅमेरा मिळतो. Reno 6 मध्ये सिक्योरिटीसाठी इन-डिस्प्ले फिंगरप्रिंट सेन्सर देण्यात आला आहे. या स्मार्टफोनमध्ये 4300mAh ची बॅटरी मिळते जे 65W फास्ट चार्जिंगला सपोर्ट करते. चीनमध्ये Oppo Reno 6 CNY 2,799 (अंदाजे 32,200 रुपये) मध्ये सादर करण्यात आला आहे.