Oppo A95 4G Price: काही महिन्यांपूर्वी चिनी स्मार्टफोन कंपनी OPPO ने आपल्या ‘ए’ सीरिजमध्ये Oppo A95 5G Phone सादर केला होता. आता या फोनचा 4G व्हर्जन बाजारात आला आहे. सध्या नवीन Oppo A95 4G मलेशियात लाँच करण्यात आला आहे. या फोनमध्ये 8GB RAM, Snapdragon 662 chipset आणि 5,000mAh battery असे दमदार स्पेसिफिकेशन्स देण्यात आले आहेत.
OPPO A95 4G चे स्पेसिफिकेशन्स
OPPO A95 4G मध्ये 6.43 इंचाचा फुलएचडी+ अ‍ॅमोलेड डिस्प्ले देण्यात आला आहे. प्रोसेसिंगसाठी या फोनमध्ये ऑक्टाकोर प्रोसेसरसह क्वॉलकॉमचा स्नॅपड्रॅगन 662 चिपसेट देण्यात आला आहे. तसेच ग्राफिक्ससाठी एड्रेनो 610 जीपीयू मिळतो. डिवाइसमधील 8GB RAM ला 5GB अतिरिक्त रॅमची जोड देण्यात आली आहे. तसेच फोनमध्ये 128GB इंटरनल स्टोरेज देण्यात आली आहे. हा ओप्पो फोन अँड्रॉइड 11 सह कलरओएस 11.1 वर चालतो.
बेसिक कनेक्टिव्हिटी ऑप्शन असलेल्या या फोनमध्ये इन-डिस्प्ले फिंगरप्रिंट सेन्सर देण्यात आला आहे. फोटोग्राफीसाठी ओप्पो ए95 4जी फोन ट्रिपल रियर कॅमेऱ्याला सपोर्ट करतो. ज्यात 48 मेगापिक्सलचा प्रायमरी रियर कॅमेरा, 2 मेगापिक्सलचा डेप्थ सेन्सर आणि 2 मेगापिक्सलची मॅक्रो लेन्स देण्यात आली आहे. सेल्फी आणि व्हिडीओ कॉलिंगसाठी हा फोन 16 मेगापिक्सलच्या फ्रंट कॅमेऱ्याला सपोर्ट करतो. यातील 5000mAh ची बॅटरी 33W फास्ट चार्जिंगला सपोर्ट करते.
OPPO A95 4G ची किंमत
ओप्पो ए95 4जी चे एकमेव व्हेरिएंट मलेशियात 1,099 मलेशियन रिंगीट अर्थात 19,500 भारतीय रुपयांच्या आसपास उपलब्ध झाला आहे. हा फोन Rainbow Silver आणि Starry Black कलरमध्ये विकत घेता येईल.