OnePlus नं काल भारतात आपला OnePlus Nord CE 2 5G नावाचा सर्वात स्वस्त 5G स्मार्टफोन सादर केला आहे. कंपनीनं यात 8GB RAM, MediaTek Dimensity 900 चिपसेट, 64MP Camera, 65W SUPERVOOC फास्ट चार्जिंग आणि 4,500mAh Battery असे दमदार स्पेक्स दिले आहेत. हा फोन मिडबजेट सेग्मेंटमध्ये शाओमी, रियलमी आणि मोटोरोलाला चांगलीच टक्कर देऊ शकतो.
OnePlus Nord CE 2 चे स्पेसिफिकेशन्स
वनप्लस नॉर्ड सीई 2 5जी फोनमध्ये 6.43 इंचाचा फुलएचडी+ फ्लूड अॅमोलेड डिस्प्ले देण्यात आला आहे. हा जो 90हर्ट्ज रिफ्रेश रेट आणि कॉर्निंग गोरिल्ला 5 च्या सुरक्षेसह सादर करण्यात आला आहे. यात अँड्रॉइड 11 आधारित ऑक्सिजनओएस 11 मिळतो. कंपनीनं यात मीडियाटेक डिमेन्सिटी 900 चिपसेट एआरएम माली-जी68 एमसी4 जीपीयूसह दिला आहे. सोबत 8 जीबी पर्यंत रॅम आणि 128 जीबी पर्यंतची स्टोरेज मिळते.
फोटोग्राफीसाठी OnePlus Nord CE 2 5जी फोन ट्रिपल रियर कॅमेऱ्याला सपोर्ट करतो. ज्यात एलईडी फ्लॅशसह 64 मेगापिक्सलचा प्रायमरी सेन्सर, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलची मॅक्रो लेन्स देण्यात आली आहे. या वनप्लसमध्ये 16 मेगापिक्सलचा फ्रंट कॅमेरा आहे. बेसिक कनेक्टिव्हिटीसह इन-डिस्प्ले फिंगरप्रिंट सेन्सरची सुरक्षा मिळते. पावर बॅकअपसाठी यातील 4,500एमएएचची बॅटरी 65W SUPERVOOC फास्ट चार्जिंगला सपोर्ट करते.
OnePlus Nord CE 2 ची किंमत
फोनच्या 6 जीबी रॅम आणि 128 जीबी इंटरनल स्टोरेज मॉडेलची किंमत 23,999 रुपये ठेवण्यात आली आहे. तर मोठ्या 8 जीबी रॅम आणि 128 जीबी स्टोरेज असलेल्या मॉडेलसाठी 24,999 रुपये मोजावे लागतील. वनप्लस नॉर्ड सीई 2 येत्या 22 फेब्रुवारीपासून Gray Mirror आणि Bahama Blue कलरमध्ये विकत घेता येईल.
हे देखील वाचा: