मुहूर्त ठरला! 80W फास्ट चार्जिंग आणि 12GB रॅम असलेला स्वस्त OnePlus Nord 2T 5G वेबसाईटवर लिस्ट
By सिद्धेश जाधव | Published: June 27, 2022 04:04 PM2022-06-27T16:04:58+5:302022-06-27T16:05:11+5:30
OnePlus Nord 2T स्मार्टफोन वनप्लस इंडियाच्या वेबसाईट आणि Amazon इंडियाच्या वेबसाईटवर लिस्ट झाला आहे.
मुहूर्त ठरला! 80W फास्ट चार्जिंग आणि 12GB रॅम असलेला स्वस्त OnePlus Nord 2T 5G वेबसाईटवर लिस्ट
Next OnePlus Nord 2T 5G स्मार्टफोन Amazon India आणि कंपनीच्या अधिकृत वेबसाईटवर लिस्ट करण्यात आला आहे. या फोनच्या प्रोडक्ट पेजवर “Coming Soon” असं लिहिण्यात आलं आहे. त्यामुळे याआधी आलेल्या लिक्सवर शिक्कामोर्तब झाला आहे. जागतिक बाजारात OnePlus Nord 2T 5G स्मार्टफोन लाँच झाल्यामुळे या हँडसेटच्या स्पेसिफिकेशन्सची माहिती मिळाली आहे, तसेच किंमत आणि उपलब्धतेची माहिती लिक्स रिपोर्टमधून समजली आहे.
OnePlus Nord 2T ची किंमत
रिपोर्टनुसार, हा फोन 1 जुलैला संध्याकाळी 7 वाजता लाँच केला जाईल. तर 5 जुलैपासून या हँडसेटची विक्री सुरु होईल. वनप्लस नॉर्ड 2टी चे दोन व्हेरिएंट भारतात लाँच केला जातील, यातील 8 जीबी रॅम व 128 जीबी स्टोरेज असलेला बेस व्हेरिएंट 28,999 रुपयांमध्ये विकत घेता येईल. तर 12 जीबी रॅम व 256 जीबी स्टोरेज असलेला हाय एन्ड मॉडेल 33,999 रुपयांमध्ये विकत घेता येईल.
OnePlus Nord 2T चे स्पेसिफिकेशन्स
फोटोग्राफीसाठी OnePlus Nord 2T 5G फोनमध्ये ट्रिपल रियर कॅमेरा सेटअप देण्यात आला आहे. फोनमध्ये 50MP चा Sony IMX766 सेन्सर OIS सह मुख्य कॅमेऱ्याचं काम करतो. सोबत 8MP चा Sony IMX35 अल्ट्रा वाईड सेन्सर आणि 2MP तिसरा मोनोक्रोम सेन्सर आहे. सेल्फी व व्हिडीओ कॉलिंगसाठी यात 32MP चा कॅमेरा देण्यात आला आहे.
यात 6.43 इंचाचा FHD+ AMOLED डिस्प्ले देण्यात आला आहे, जो 90Hz रिफ्रेश रेटसह येतो. OnePlus Nord 2T 5G फोन Android 12 बेस्ड OxygenOS 12.1 वर चालतो. फोनमध्ये MediaTek Dimensity 1300 प्रोसेसर आहे, सोबत 12GB पर्यंत RAM आणि 256GB पर्यंतची इंटरनल स्टोरेज मिळते, जी मायक्रोएसडी कार्डच्या माध्यमातून वाढवता येते. OnePlus Nord 2T 5G मध्ये 4,500mAh ची बॅटरी 80W SUPERVOOC फास्ट चार्जिंगसह मिळते.