बजेटमध्ये येणार मोटोरोलाचा शानदार फोन; 5000mAh बॅटरीसह Moto G31 येऊ शकतो बाजारात 

Budget Smartphone Moto G31: Moto G31 स्मार्टफोन 50MP कॅमेरा आणि 5,000 mAh बॅटरीसह बाजारात येऊ शकतो ज्याची किंमत 210 डॉलर असू शकते.

गेल्या आठवड्यात मोटोरोलाने भारतात आपला जबरदस्त स्मार्टफोन सादर केला आहे. कंपनीने 36,999 रुपयांमध्ये Motorola Edge 20 Pro देशात आणला आहे. हा एक मिड प्रीमियम स्मार्टफोन आहे जो 108MP च्या कॅमेऱ्यासह सादर करण्यात आला आहे. आता मोटोरोलाच्या एका बजेट स्मार्टफोन Moto G31 ची माहिती समोर आली आहे. Moto G31 स्मार्टफोन 50MP कॅमेरा आणि 5,000 mAh बॅटरीसह बाजारात येऊ शकतो.  

Moto G31 ची माहिती एक टिपस्टरने ट्वीटरवरून दिली आहे. या ट्विटमध्ये या फोनच्या रियर पॅनलचा फोटो देखील शेयर करण्यात आला आहे. Motorola Moto G31 च्या उजव्या पॅनलवर वॉल्यूम रॉकर आणि पॉवर बटन मिळतील. त्याचबरोबर गुगल असिस्टंट बटण देखील मिळू शकतो. फोनच्या वरच्या बाजूला 3.5एमएम जॅक आणि खालच्या बाजूला यूएसबी टाईप सी पोर्ट व स्पिकर मिळेल. 

या फोटोनुसार हा फोन सिल्वर कलर शेडसह सादर केला जाऊ शकतो. बॅक पॅनलवर डावीकडे आयताकृती ट्रिपल कॅमेरा सेटअप दिसत आहे. या सेटअपच्या डावीकडे एलईडी फ्लॅश लाईटसह आहे. बॅक पॅनलवरील कंपनीचा लोगो फिंगरप्रिंट सेन्सरचे देखील काम करेल.  

लीकनुसार या फोनमध्ये 50 मेगापिक्सलचा प्रायमरी रियर कॅमेरा मिळेल. या फोनमध्ये 10वॉट चार्जिंग टेक्नॉलॉजीला सपोर्ट करणारी 5,000एमएएचची बॅटरी दिली जाऊ शकते. लिक्सटरने मोटो जी31 ची किंमत 210 डॉलर असेल. ही किंमत 15,000 रुपयांच्या आसपास रूपांतरित होते, त्यामुळे हा फोन एक बजेट फोन असू शकतो.