Motorola नं चीनमध्ये आपला फ्लॅगशिप Moto Edge X30 स्मार्टफोन लाँच केला आहे. हा स्मार्टफोन क्वालकॉमच्या नव्या Snapdragon 8 Gen 1 चिपसेटसह येणारा जगातील सर्वात पहिला फोन आहे. ही एकच गोष्ट या फोनला विकत घेण्यासाठी पुरेशी आहे, परंतु कंपनी यावरच थांबली नाही. फोनमधील 60MP चा सेल्फी कॅमेरा, 68W फास्ट चार्जिंग, 50MP ड्युअल कॅमेरा आणि 144Hz रिफ्रेश रेट हे फीचर्स फोनचा दर्जा अजूनच वाढवता. या फोनचे दोन व्हर्जन आले आहेत, बेस व्हर्जनमध्ये पंच होल कटआउटमध्ये सेल्फी कॅमेरा मिळतो तर Moto Edge X30 Special Edition मध्ये छुपा अंडर डिस्प्ले कॅमेरा सेन्सर देण्यात आला आहे.
Moto Edge X30 चे स्पेसिफिकेशन्स
Moto Edge X30 च्या स्पेक्समधील सर्वात महत्वाचा भाग म्हणजे या फोनमधील Qualcomm Snapdragon 8 Gen1 चिपसेट आहे. जो जुन्या क्वॉलकॉम प्रोसेसरपेक्षा कितीतरी वेगवान आहे. सोबत कंपनीनं ग्राफिक्ससाठी Adreno GPU दिला आहे. हा फोन 12GB पर्यंतच्या वेगवान LPDDR5 RAM सह बाजारात आला आहे. त्याचबरोबर 256GB पर्यंतची लेटेस्ट UFS 3.1 स्टोरेज मिळते.
Moto Edge X30 स्मार्टफोनमध्ये 6.7-इंचाचा फुलएचडी+ अॅमोलेड डिस्प्ले देण्यात आला आहे. डिस्प्ले 144Hz रिफ्रेश रेट, 576Hz टच सॅम्पलिंग रेट आणि 2400×1080 पिक्सल रिजोल्यूशनला सपोर्ट करतो. हा मोटोरोला फोन Android 12 OS वर आधारित MyUI 3.0 वर चालतो. यात बेसिक कनेक्टिव्हिटीसह सिक्योरिटीसही इन-डिस्प्ले फिंगरप्रिंट सेन्सर देण्यात आला आहे.
पॉवर बॅकअपसाठी Moto Edge X30 मध्ये 5000mAh ची बॅटरी आणि 68W फास्ट चार्जिंग देण्यात आली आहे. फोटोग्राफीसाठी या शक्तिशाली फोनमध्ये ट्रिपल रियर कॅमेरा सेटअप मिळतो. ज्यात 50MP चा प्रायमरी कॅमेरा देण्यात आला आहे. सोबत 5MP ची अल्ट्रा वाईड अँगल लेन्स आणि 2MP थर्ड सेन्सर देण्यात आला आहे. Moto Edge X30 मध्ये 60 मेगापिक्सलचा शानदार फ्रंट कॅमेरा मिळतो.
Moto Edge X30 ची किंमत
- Moto Edge X30 8GB/128GB: 3,199 युआन (सुमारे 38,000 रुपये)
- Moto Edge X30 8GB/256GB: 3399 युआन (सुमारे 40,300 रुपये)
- Moto Edge X30 12GB/256GB: 3,599 युआन (सुमारे 42,700 रुपये)
- Moto Edge X30 Special Edition स्मार्टफोन 12GB RAM आणि 256GB स्टोरेजसह 3,999 युआन (सुमारे 47,500 रुपये) मध्ये विकत घेता येईल.