108 मेगापिक्सलचा प्रायमरी कॅमेरा, 8 जीबी रॅम आणि 4500mAh बॅटरी असलेल्या Motorola Edge 20 Pro 5G स्मार्टफोनवर मोठी सूट दिली जात आहे. 12,500 रुपयांच्या डिस्काउंटसह हा फोन फ्लिपकार्टवर उपलब्ध झाला आहे. जर तुम्ही नवीन फोन विकत घेण्याचा विचार करत असाल तर Motorola Edge 20 Pro 5G हा एक चांगला पर्याय ठरू शकतो.
Motorola Edge 20 Pro 5G ची किंमत आणि ऑफर्स
Motorola Edge 20 Pro 5G स्मार्टफोनच्या 8 जीबी रॅम आणि 128 जीबी स्टोरेज असलेल्या एकमेव मॉडेलची किंमत 45,999 रुपये आहे. परंतु फ्लिपकार्टवर हा फोन तुम्ही 34,999 रुपयांमध्ये विकत घेऊ शकता. तसेच Citi बँकेच्या क्रेडिट व डेबिट कार्डनं पेमेंट केल्यास 10 टक्के अतिरिक्त सूट मिळेल.
Motorola Edge 20 Pro 5G चे स्पेसिफिकेशन्स
या स्मार्टफोनमध्ये 6.67 इंचाचा फुलएचडी+ ओएलईडी डिस्प्ले देण्यात आला आहे. हा डिस्प्ले 2400 × 1080 पिक्सल रिजोल्यूशन आणि 144हर्ट्ज रिफ्रेश रेटला सपोर्ट करतो. यात क्वॉलकॉम स्नॅपड्रॅगन 870 चिपसेट मिळतो. सोबत 8GB रॅम आणि 128GB स्टोरेज देण्यात आली आहे. फोनमध्ये अँड्रॉइड 12 ऑपरेटिंग सिस्टम देण्यात आली आहे.
फोटोग्राफीसाठी मोटोरोला फोनमध्ये 108 मेगापिक्सलचा प्रायमरी रियर कॅमेरा देण्यात आला आहे. सोबत 16 मेगापिक्सलचा अल्ट्रा वाईड अँगल सेन्सर आणि 8 मेगापिक्सलची टेलीफोटो लेन्स देण्यात आली आहेत. सेल्फीसाठी 32 मेगापिक्सलचा फ्रंट कॅमेरा आहे. मोटोरोला एज 20 प्रो मधील 4,500एमएएच बॅटरी 30W TurboPower फास्ट चार्जिंगला सपोर्ट करते.