Apple नं काही दिवसांपूर्वी iPhone SE (2022) लाँच केला होता. हा सर्वात स्वस्त 5G iPhone अँड्रॉइड युजर्सना आयफोनकडे वळवण्याच्या उद्देशानं सादर करण्यात आला आहे. सध्या अॅमेझॉनवर मिळत असलेला डिस्काउंट हा उद्देश साध्य करेल असं दिसतं आहे. या ऑफर्समुळे तुम्ही iPhone SE (2022) 43,900 रुपयांच्या ऐवजी फक्त फक्त 25,700 रुपयांमध्ये घरी आणू शकता.
अशी आहे ऑफर
iPhone SE (2022) च्या 64GB मॉडेलची किंमत 43,900 रुपये आहे. हा फोन आयसीआयसीआय बँकेच्या क्रेडिट किंवा डेबिट कार्ड, एसबीआयच्या क्रेडिट कार्ड किंवा कोटक बँकेच्या क्रेडिट किंवा डेबिट कार्डचा वापर करून विकत घेतल्यास 2000 रुपयांची सूट मिळेल. तसेच जुना स्मार्टफोन एक्सचेंज करून तुम्ही 16,200 रुपयांपर्यंतची बचत करू शकता. त्यामुळे iPhone SE (2022) ची प्रभावी किंमत 25,700 रुपये होते.
Apple iPhone SE (2022) चे स्पेसिफिकेशन्स
Apple iPhone SE (2022) ची डिजाईन जुन्या iPhone 8 सारखी आहे. या आयफोनच्या बॅक आणि फ्रंटला देण्यात आलेली ग्लास कोणत्याही स्मार्टफोनमधील सर्वात मजबूत ग्लास आहे. सिक्योरिटीसाठी यात Touch ID देण्यात आली आहे. तसेच यातील IP67 रेटिंग पाणी आणि धुळीपासून वाचवते. हा डिवाइस Red, Black आणि White कलर ऑप्शन्समध्ये विकत घेता येईल.
Apple iPhone SE (2022) मध्ये गेल्यावर्षी आलेल्या फ्लॅगशिप iPhone 13 सीरिजच्या A15 Bionic प्रोसेसरचा वापर करण्यात आला आहे. या पावरफुल चिपसेटसह कंपनीनं 5G कनेक्टिव्हिटी देखील दिली आहे. हा फोन iOS 15 वर चालेल, तसेच यात फोकस मोड सारखे फीचर्स देण्यात आले आहेत. फोनच्या मागे 12MP चा सिंगल कॅमेरा आहे, जो Deep Fusion, Smart HDR 4 आणि फोटो स्टाईलला सपोर्ट करतो. यात चांगली व्हिडीओ रेकॉर्डिंग क्वॉलिटी मिळेल, असा दावा कंपनीनं केला आहे.