Infinix आपल्या बजेट फ्रेंडली स्मार्टफोन्ससाठी ओळखली जाते. परंतु लवकरच कंपनी लॅपटॉप सेगमेंटमध्ये देखील आपला हात अजमावणार आहे. याची सुरुवात कंपनी नवीन लॅपटॉप Infinix Inbook X1 पासून करणार आहे. हा लॅपटॉप लवकरच भारतात सादर केला जाऊ शकतो. यात लेटेस्ट Windows 11 सपोर्ट देण्यात येईल. तसेच हा नवीन लॅपटॉप हलका, मेटल बॉडी आणि Intel Core i3, Core i5 आणि Core i7 प्रोसेसरसह बाजारात येईल.
Infinix Inbook X1
Infinix Inbook X1 हा कंपनीचा पहिला लॅपटॉप असेल जो Windows 11 ओएससह सादर केला जाईल. या लॅपटॉपमध्ये Intel Core i3, Core i5 आणि Core i7 असे प्रोसेसरचे ऑप्शन मिळतील. कंपनीने सांगितले आहे कि या लॅपटॉपचे वजन 1.48 किलोग्राम आणि थिकनेस 16.3mm असेल. हा डिवाइस एयरक्राफ्ट ग्रेड अॅल्युमिनियम फिनिशसह सादर केला जाईल.
इनफिनिक्सच्या आगामी लॅपटॉपमध्ये 55Whr ची बॅटरी देण्यात येईल. ही बॅटरी 13 तासांचा प्ले बॅक टाईम देईल, असे कंपनीने सांगितले आहे. हा डिवाइस फ्लिपकार्टवर खरेदीसाठी उपलब्ध होईल. या लॅपटॉपचे ऑरोरा ग्रीन, नोबल रेड आणि स्टारफॉल ग्रे असे तीन कलर व्हेरिएंट खरेदीसाठी उपलब्ध होतील. Infinix Inbook X1 मध्ये याआधी आलेल्या Inbook X1 Pro सारखे बरेचशे फीचर्स मिळू शकतात.
Infinix Inbook X1 Pro
Infinix Inbook X1 Pro मध्ये 1920x1080 पिक्सल रेजॉलूशन असलेला 14 इंचाचा IPS LCD डिस्प्ले देण्यात आला आहे. जो 300 नीटस पीक ब्राईटनेस आणि 178 डिग्री व्यूइंग अँगलला सपोर्ट करतो. या प्रो व्हेरिएंटमधील 55 Whr ची बॅटरी 65W फास्ट चार्जिंगला सपोर्ट करते. चार्जिंगसाठी यात यूएसबी टाईप-C पोर्ट मिळतो. कनेक्टिविटीसाठी या लॅपटॉपमध्ये यूएसबी टाइप-C पोर्ट, दोन यूएसबी 3.0 पोर्ट, एक यूएसबी 2.0 पोर्ट, एक HDMI पोर्ट, एक 3.5mm जॅक आणि एसडी कार्ड रीडर देण्यात आला आहे.