चिनी कंपनी Honor लवकरच आपला नवीन स्मार्ट बँड घेऊन येणार आहे. हा बँड Honor Band 6 या नावाने सादर केला जाईल. या बँडच्या लाँचची तारीख जरी समोर आली नसली तरी ई-कॉमर्स साईट फ्लिपकार्टवर हा बँड लिस्ट करण्यात आला आहे, त्यामुळे हा डिव्हाईस लवकरच बाजारात येईल, अशी शक्यता वर्तवली जात आहे. (Honor Band 6 will be available on Flipkart )
फ्लिपकार्टच्या लिस्टिंगमधून Honor Band 6 ची डिजाईन आणि काही स्पेसिफिकेशन्स समोर आले आहेत. या फिटनेस ट्रॅकरची खासियत अशी कि हा SpO2 ब्लड मॉनिटरिंग फिचरसह येतो. कंपनीने दावा केला आहे कि डिवाइस ऑप्टिकल हार्डवेअर आणि सॉफ्टवेअरच्या मदतीने अचूकपणे शरीरातील ऑक्सिजनचे प्रमाण सांगू शकतो. तसेच याचा बॅटरी बॅकअप चौदा दिवसांचा असेल.
Honor Band 6 चे स्पेसिफिकेशन्स
Honor Band 6 मध्ये 1.43-इंचाची अ‍ॅमोलेड स्क्रीन असेल. या स्क्रीनचे रिजोल्यूशन 194 x 368 पिक्सेल असेल. हा डिस्प्ले 2.5D कर्व ग्लासच्या सुरक्षेसह येईल. या फिटनेस ट्रॅकरच्या बाजूला असलेले बटन नेव्हिगेशनसाठी वापरता येईल. या बँडचे वजन फक्त 18 ग्राम आहे. घरात आणि घराबाहेर धावणे, चालणे, सायकल चालवणे आणि इतर 10 व्यायामाचे प्रकार हा ट्रॅकर ट्रॅक करू शकतो. यात अक्सेलेरोमीटर आणि जायरोस्कोप असे सेन्सर आहेत. या बँडमध्ये ऑप्टिकल हार्ट रेट सेन्सर, ब्लड ऑक्सिजन मॉनिटर सेन्सर, TruSeen 4.0 हार्ट रेट मॉनिटरिंग, TruSleep 2.0 स्लिप ट्रॅकिंग आणि TruRelax स्ट्रेस ट्रॅकिंग असे फीचर्स मिळतात. हा बँड तुम्ही व्यायाम करत आहात कि नाही हे देखील सांगू शकतो.