एक चूक अन् थेट पोलिस तुमच्या घरात; Google वर कधीही 'या' 4 गोष्टी सर्च करू नका..!

Google Search: इंटरनेटने आपले दैनंदिन आयुष्य जितके सोपे केले आहे, तितकाच मोठा धोका देखील वाढवला आहे. विशेषत: Google सारख्या सर्च इंजिनवर आपण क्षणभरही न विचार करता काहीही सर्च करतो. पण आपल्याला माहिती आहे का, काही विशिष्ट शब्द, प्रश्न किंवा टॉपिक असे आहेत जे सर्च करणे थेट कायद्याच्या कारवाईपर्यंत पोचवू शकते? काही प्रकरणांमध्ये पोलिस तुमचे लोकेशन ट्रॅक करुन अटकही करू शकतात.

गूगल सर्च इतके धोकादायक का असतात?

भारतामध्ये सायबर गुन्ह्यांवर कारवाई करण्याची प्रक्रिया आता अतिशय कडक झाली आहे. गूगलवर आपण केलेला प्रत्येक सर्च हा एक डिजिटल ट्रेल तयार करतो. हा डेटा तांत्रिकदृष्ट्या तर ट्रॅक होतोच, पण आवश्यकता भासल्यास कायद्याची अंमलबजावणी करणाऱ्या यंत्रणांनाही दिला जाऊ शकतो. 

कुठले सर्च टाळायला हवेत?

1. अवैध शस्त्रे किंवा स्फोटक बनवण्याचे मार्ग

बंदूक, बॉम्ब किंवा कोणतेही विस्फोटक कसे बनवावे? असा सर्च केला तर तो संभाव्य दहशतवादी कृती मानला जाते. पोलिस लोकेशन ट्रॅक करू शकतात. यात UAPA सारख्या कठोर कायद्यांतर्गत कारवाई होते.

2. डार्क वेब, ड्रग्ज किंवा अवैध वस्तूंची खरेदी

डार्क वेब कसे अ‍ॅक्सेस करावे?, ड्रग्स कुठे मिळतात? असे प्रश्न हा गंभीर गुन्हा मानला जातो. सायबर सेल त्वरित सक्रिय होते. अशा प्रकरणांत अनेकदा जामिनाही मिळत नाही

3. बालकांशी संबंधित अश्लील किंवा अवैध कंटेंट

जगभरात हा अतिशय गंभीर गुन्हा आहे. शोधणे, पाहणे किंवा शेअर करणे तिन्ही बेकायदेशीर आहे. POSCO कायद्यांतर्गत कठोर कारवाई होऊ शकते.

4. कोणाचे अकाऊंट हॅक करणे किंवा प्रायव्हसी भंगाचे उपाय

WhatsApp कसे हॅक करावे?, गर्लफ्रेंडचे लोकेशन कसे ट्रॅक करावे? हे सर्चदेखील गुन्ह्यांच्या प्रकारात येते. या गुन्ह्यात IT Act 66C/66D अंतर्गत कारवाई होऊ शकते.

या सर्व गोष्टीमुळे इंटरनेटचा वापर जबाबदारीने करावा. कोणताही अवैध, हिंसक, गैरकायदेशीर किंवा प्रायव्हसी भंग करणारा विषय सर्च करू नका. एक चुकीचा सर्च तुमचे डिजिटल आयुष्य उद्ध्वस्त करू शकतो. गूगल हे सुविधा देण्यासाठी आहे, पण चुकीचा वापर तुम्हाला थेट कायद्याच्या कठोर चौकटीत नेऊ शकतो.