Motorola नं काही दिवसांपूर्वी भारतात Moto Edge 30 5G स्मार्टफोन सादर केला होता. हा जगातील सर्वात पातळ 5G स्मार्टफोन असल्याचा दावा कंपनीनं केला आहे. या स्लिम हँडसेट आज 19 मेपासून Flipkart वर खरेदीसाठी उपलब्ध होईल. पहिल्याच सेलमध्ये 50MP camera, 8GB RAM, Qualcomm Snapdragon 778G+ चिपसेट आणि 33W फास्ट चार्जिंग असलेला हा डिवाइस डिस्काउंटसह विकत घेता येत आहे.
Motorola Edge 30 5G स्मार्टफोनची किंमत
Moto Edge 30 5G स्मार्टफोन 30,999 रुपयांच्या मूळ किंमतीच्या ऐवजी 9% डिस्काउंटसह 27,999 रुपयांमध्ये फ्लिपकार्टवर लिस्ट झाला आहे. HDFC बँकेच्या क्रेडिट कार्ड धारकांना 2000 रुपयांचा इन्स्टंट डिस्काउंट मिळेल. तसेच फ्लिपकार्ट अ‍ॅक्सिस बँक क्रेडिट कार्डवर 5% कॅशबॅक मिळेल. तसेच 971 रुपयांचा मासिक हप्ता देऊन तुम्ही नो-कास्ट EMI वर देखील हा फोन विकत घेऊ शकता.
Moto Edge 30 चे स्पेसिफिकेशन्स
मोटोरोला एज 30 स्मार्टफोनमध्ये 6.5 इंचाचा फुलएचडी+ अ‍ॅमोलेड डिस्प्ले देण्यात आला आहे. पंच-होल डिजाईनसह यात 144हर्टज रिफ्रेश रेट मिळतो. हा अँड्रॉइड 12 डिवाइस माययूएक्सवर चालतो. क्वॉलकॉम स्नॅपड्रॅगन 778जी+ चिपसेटची टाकत डिवाइसमध्ये देण्यात आली आहे, जो एक 5G चिपसेट आहे.
फोटोग्राफीसाठी Moto Edge 30 मध्ये ट्रिपल रियर कॅमेरा सेटअप देण्यात आला आहे. ज्यात एलईडी फ्लॅशसह 50 मेगापिक्सलचा प्रायमरी सेन्सर, 50 मेगापिक्सलची 118डिग्री अल्ट्रावाईड अँगल लेन्स आणि 2 मेगापिक्सलचा डेप्थ सेन्सर आहे. 32 मेगापिक्सलचा सेल्फी कॅमेरा मोटोरोला मोटो एज 30 मध्ये मिळतो.
फिजिकल फिंगरप्रिंट सेन्सरसह बेसिक कनेक्टिव्हिटी फीचर्स मिळतात. हा फोन आयपी52 वॉटर आणि डस्ट रेजिस्टन्ससह येतो. पावर बॅकअपसाठी मोटोरोला मोटो एज 30 स्मार्टफोनमध्ये 4,020एमएएचची बॅटरी 33वॉट टर्बोपावर फास्ट चार्जिंगसह देण्यात आली आहे.