Flipkart Vivo Carnival Sale चा आज शेवटचा दिवस आहे. हा सेल 1 एप्रिलला सुरु करण्यात आला होता. नावावरून तुम्हाला समजलं असेल की हा सेल विवो स्मार्टफोन्स स्वस्तात विकण्यासाठी सादर करण्यात आला होता. परंतु अजूनही हा सेल संपला नाही आणि यात कंपनीचा सर्वात स्वस्त 5G फोन आणखी कमी किंमतीत विकत घेता येत आहे. चला जाणून घेऊया Vivo T1 5G स्मार्टफोनवरील ऑफर्स.
Vivo T1 5G ची किंमत आणि ऑफर्स
Vivo T1 5G स्मार्टफोनचा 4GB RAM आणि 128GB स्टोरेज व्हेरिएंट भारतात 19,990 रुपयांमध्ये लाँच झाला आहे. परंतु या सेलमध्ये हा फोन 15,990 रुपयांमध्ये विकला जात आहे. तसेच तुमच्याकडे HDFC बँकेचं डेबिट किंवा क्रेडिट कार्ड असेल तर तुम्ही 1 हजार रुपयांचा इन्स्टंट डिस्काउंट मिळवू शकता.
Vivo T1 5G वर मोठा डिस्काउंट तर एक्सचेंज ऑफर अंतर्गत दिला जात आहे. जिथे तुम्ही तुमचा जुना स्मार्टफोन देऊन 13 हजार रुपयांची बचत करू शकता. यासाठी तुमचा जुना फोन चांगल्या स्थितीत असला पाहिजे, म्हणजे नवीन Vivo T1 5G तुम्ही 1,990 रुपयांमध्ये तुमच्या घरी आणू शकता.
Vivo T1 5G चे स्पेसिफिकेशन्स
Vivo T1 5G मध्ये 6.58-इंचाची फुल एचडी+ एलसीडी स्क्रीन देण्यात येईल. हा डिस्प्ले 120Hz रिफ्रेश रेट आणि 240Hz टच सॅम्पलिंग रेटला सपोर्ट करतो. या फोनला क्वॉलकॉमच्या Snapdragon 695 चिपसेटची प्रोसेसिंग पावर देण्यात आली आहे. सोबत 8GB पर्यंत रॅम आणि 128GB स्टोरेज देण्यात आली आहे. हा फोन अँड्रॉइड 12 आधारित फनटच ओएसवर चालतो.
फोटोग्राफीसाठी Vivo T1 मध्ये ट्रिपल रियर कॅमेरा सेटअप देण्यात आला आहे. ज्यात एलईडी फ्लॅशसह 64 मेगापिक्सलचा प्रायमरी सेन्सर, 8 मेगापिक्सलची वाईड अँगल लेन्स आणि 2 मेगापिक्सलच्या मॅक्रो लेन्सचा समावेश आहे. सिक्योरिटीसाठी साईड पॅनलवर फिंगरप्रिंट सेन्सर देण्यात आला आहे. Vivo T1 मध्ये 5,000एमएएचची बॅटरी देण्यात आली आहे.