Flipkart वर सुरु असलेल्या बिग बचत धमाल सेलचा आज शेवटचा दिवस आहे. या सेलमध्ये Vivo V23 5G स्मार्टफोन फक्त 1,196 रुपयांमध्ये विकत घेता येत आहे. हा फोन गेल्या महिन्यात 12GB RAM, 64MP कॅमेरा, 50MP सेल्फी कॅमेरा आणि 4200mAh बॅटरीसह भारतात सादर करण्यात आला होता. या फोनचा सनशाईन गोल्ड व्हेरिएंट यूव्ही लाईटमध्ये रंग बदलतो.
1,196 रुपयांमध्ये मिळवा Vivo V23 5G
Vivo V23 5G ची भारतातील किंमत 37,990 रुपये आहे. परंतु फ्लिपकार्ट सेलमध्ये हा फोन 34,990 रुपयांमध्ये विकला जात आहे. तुम्ही हा फोन एचडीएफसी बँकेच्या बँक डेबिट किंवा क्रेडिट कार्डचा वापर करून 2 हजार रुपयांच्या इन्स्टंट डिस्काउंटनंतर 32,990 रुपयांमध्ये विकत घेऊ शकता. हा फोन ईएमआयवर विकत घेतल्यास फक्त 1,196 रुपये दरमहा भरावा लागेल. ईएमआयचा हा पर्याय आयसीआयसीआय बँक 36 महिन्यांसाठी देत आहे.
Vivo V23 5G चे स्पेसिफिकेशन्स
विवो वी23 5जी फोनमध्ये 6.44 इंचाचा अ‍ॅमोलेड डिस्प्ले देण्यात आला आहे. नॉच डिजाईनसह सादर करण्यात आलेला हा डिस्प्ले 90हर्ट्ज रिफ्रेश रेटवर चालतो. हा फोन अँड्रॉइड 12 आधारित फनटच ओएस 12 वर चालतो. यात मीडियाटेक डिमेनसिटी 920 चिपसेट आणि एआरएम माली जी68 जीपीयू देण्यात आला आहे. बेसिक कनेक्टिव्हिटीसह इन-डिस्प्ले फिंगरप्रिंट सेन्सर आणि फेस अनलॉक फिचर मिळतो.
विवो वी23 5जी चा फ्रंट कॅमेरा सेगमेंट खूप खास आहे. फ्रंट पॅनलवर 50 मेगापिक्सलचा प्रायमरी सेन्सर तसेच 8 मेगापिक्सलचा सुपर वाईड अँगल सेल्फी कॅमेरा असलेला ड्युअल सेल्फी कॅमेरा सेटअप मिळतो. तर मागे 64 मेगापिक्सलचा प्रायमरी सेन्सर, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलच्या मॅक्रो सेन्सरसह ट्रिपल रियर कॅमेरा आहे. तर पॉवर बॅकअपसाठी Vivo V23 मध्ये 4,200एमएएचची बॅटरी 44वॉट फ्लॅश चार्ज सपोर्टसह देण्यात आली आहे.
हे देखील वाचा:
धक्कादायक! Instagram अ‍ॅप वापरू नका! स्वतः कंपनीनेच दिला इशारा, कारण काय?
यंदा राहू नका सिंगल! या डेटिंग अ‍ॅप्सच्या मदतीनं मिळवा Valentine’s Day 2022 च्या आधी डेट