Flipkart वर ईयर एन्ड सेल सुरु आहे. 26 डिसेंबरला सुरु झालेला हा सेल आज म्हणजे 30 डिसेंबरला संपणार आहे. या सेल अंतर्गत रियलमी, ओप्पो, विवो आणि शाओमीचे स्मार्टफोन स्वस्तात मिळत आहेत. परंतु यातील सर्वात आकर्षक डील म्हणजे iPhone SE 2020 वर मिळणारा डिस्काउंट. या सेलमध्ये Apple च्या या फोनवर 11,401 रुपयांचा डिस्काउंट दिला जात आहे.
iPhone SE 2020 किंमत आणि ऑफर्स
iPhone SE 2020 चा 64GB मॉडेल फ्लिपकार्टवर 11,401 रुपयांच्या डिस्काउंटनंतर फक्त 28,499 रुपयांमध्ये विकत घेता येईल. जुना फोन एक्सचेंज करून तुम्ही 15,450 रुपयांपर्यंतची सूट मिळवू शकता. तसेच हा फोन फ्लिपकार्ट अॅक्सिस बँक क्रेडिट कार्डचा वापर करून विकत घेतल्यास 5% कॅशबॅक मिळेल. तुम्ही हा फोन नो कॉस्ट ईएमआय द्वारे देखील विकत घेऊ शकता. हा डिवाइस फक्त 975 रुपयांच्या स्टँडर्ड ईएमआयवर विकत घेता येईल.
iPhone SE 2020 चे स्पेसीफिकेशन्स
iPhone SE 2020 मध्ये 4.7-इंचाचा रेटिना एचडी आयपीएस एलसीडी डिस्प्ले देण्यात आला आहे. हा डिस्प्ले 625 नीट्स ब्राईटनेस, HDR10, डॉल्बी व्हिजन आणि ट्रू टोनला सपोर्ट करतो. या फोनमध्ये Touch ID साठी बटन देण्यात आले आहे. फोनच्या बॅक पॅनलवर 12MP चा कॅमेरा देण्यात आला आहे. हा फोन 5MP च्या फ्रंट कॅमेऱ्यासह सादर करण्यात आला आहे. या एंट्री लेव्हल आयफोनमध्ये वायरलेस चार्जिंग आणि IP67 डस्ट आणि वॉटर रेजिस्टन्स देण्यात आले आहे.
हे देखील वाचा:
Jio युजर्सनी इकडे लक्ष द्या! या 7 चुका तुम्हाला करू शकतात 'कंगाल', आताही वेळ आहे
फक्त 7,499 रुपयांमध्ये आला 5000mAh Battery असलेला शानदार स्मार्टफोन; Redmi ला टाकणार मागे?