BSNL News: बऱ्याच काळापासून तोट्यात राहिलेली सरकारी टेलिकॉम कंपनी BSNL आता हळुहळू नफा कमावण्याच्या दिशेने वाटचाल करत आहे. खासगी टेलिकॉम कंपन्यांनी आपल्या रिचार्जच्या किमती वाढवल्यामुळे लाखो युजर्स BSNL वर वळत आहेत. बीएसएनएल आपल्या जुन्या ग्राहकांना पुन्हा कनेक्ट करण्यासाठी आणि नवीन ग्राहकांना आकर्षित करण्यासाठी अतिशय परवडणारे प्रीपेड रिचार्ज प्लॅन लॉन्च केले आहेत.
१४७ रुपयांमध्ये अनलिमिटेड कॉलिंग अन् इंटरनेट डेटा
BSNL चा १४७ रुपयांचा नवीन प्रीपेड प्लॅन विशेषतः अशा वापरकर्त्यांसाठी आहे, ज्यांना इंटरनेटपेक्षा जास्त कॉलिंगची आवश्यकता आहे. या प्लॅनमध्ये ३० दिवसांच्या वैधतेसह अमर्यादित कॉलिंग दिले जात आहे. इतकेच नाही तर ते १० जीबी इंटरनेट डेटा देखील मिळेल, जो तुम्ही तुमच्या सोयीनुसार कधीही वापरू शकता. तुम्ही सर्व डेटा एका दिवसात वापरू शकता किंवा एका महिन्यापर्यंत हळूहळू वापरू शकता.
२४७ रुपयांचा प्लॅन डेटा प्रेमींसाठी उत्तम पर्याय
तुमची गरज फक्त कॉलिंगपुरती मर्यादित नसेल आणि तुम्ही इंटरनेटचाही जास्त वापर करत असाल, तर बीएसएनएलचा २४७ रुपयांचा प्लॅन तुमच्यासाठी एक उत्तम पर्याय असू शकतो. या प्लॅनमध्ये ३० दिवसांची वैधता देखील आहे, परंतु त्यासोबत तुम्हाला ५० जीबी डेटा आणि १०० एसएमएस मिळतात. विशेष म्हणजे डेटा वापरासाठी कोणतीही दैनिक मर्यादा नाही. तुम्ही तुम्हाला हवे तेव्हा एकाच वेळी हवा तितका डेटा वापरू शकता.
जिओ आणि एअरटेलसाठी धोक्याची घंटा?
बीएसएनएलचे हे प्लॅन त्यांच्या किमतीच्या तुलनेत प्रचंड मूल्य देतात. खाजगी कंपन्या डेटा आणि कॉलिंगसाठी ग्राहकांकडून जास्त पैसे आकारत असताना, बीएसएनएल आपल्या ग्राहकांना कमी किमतीत चांगले पॅकेज देत आहे. जर बीएसएनएलने त्यांच्या नेटवर्कची गुणवत्ता थोडी अधिक सुधारली, तर ते एअरटेल आणि जिओसारख्या मोठ्या कंपन्यांसाठी धोक्याची घंटा ठरेल.