Blaupunkt हा जर्मन ऑडियो आणि व्हिडीओ ब्रँड आहे. Blaupunkt ने भारतीय टीव्ही निर्माता कंपनी सुपर प्लॅस्टोनीक सोबत मिळून भारतात नवीन 4K स्मार्ट टीव्ही लाँच केला आहे. या 4K टीव्ही अँड्रॉइड टीव्हीचा 50-इंचाचा मॉडेल देशात सादर करण्यात आला आहे. हा स्मार्ट टीव्ही गेल्या महिन्यात लाँच करण्यात आलेल्या CyberSound सीरिजमध्ये लाँच केला गेला आहे. यात मीडियाटेकचा चिपसेट देण्यात आला आहे. हा स्मार्ट टीव्ही ई-कॉमर्स साईट फ्लिपकार्टवरून विकत घेता येईल.
Blaupunkt 50-inch 4K Android TV चे स्पेसिफिकेशन्स
Blaupunkt 50-inch CyberSound 4K मध्ये मीडियाटेक प्रोसेसर देण्यात आला आहे. या प्रोसेसरला 2GB रॅम आणि 8GB इंटरनल स्टोरेजची जोड देण्यात आली आहे. या टीव्हीमधील 50-इंचाचा आयपीएस पॅनल 500 निट्स ब्राईटनेस आणि HDR10+ ला सपोर्ट करतो. या टीव्ही सोबत देण्यात आलेल्या रिमोटमध्ये गुगल असिस्टंट सपोर्ट देण्यात आला आहे. हा स्मार्ट टीव्ही बिल्टइन क्रोम कास्ट आणि अॅप्पल एयरप्लेला सपोर्ट करतो.
या टीव्हीमधील चार स्पिकर मिळून 60W चा आउटपुट देतात. हे स्पिकर Dolby Digital Plus, Dolby Atmos, DTS TruSurround सर्टिफाइड ऑडियो आणि Dolby MS12 साउंड टेक्नॉलॉजीला सपोर्ट करतात. कनेक्टिविटीसाठी या टीव्हीमध्ये तीन HDMI पोर्ट, दोन USB पोर्ट, ड्युअल-बॅंड वायफाय 2.4GHz आणि 5GHz बॅंड आणि ब्लूटूथ 5.0 देण्यात आला आहे.
Blaupunkt 50-inch 4K Android TV ची किंमत
Blaupunkt च्या 50-इंचाचा CyberSound 4K Android Smart TV भारतात 36,999 रुपयांमध्ये सादर केला गेला आहे. CyberSound सीरिजमधील हा स्मार्टटीव्ही फ्लिपकार्टवरून विकत घेता येईल. फ्लिपकार्टवर या टीव्हीची बुकिंग देखील सुरु झाली आहे.