सध्या जगभरात एआयचा मोठ्या प्रमाणात वापर सुरू आहे. ओपन एआयच्या चॅटजीपीचा वापरही साध्या साध्या कामांसाठी केला जात आहे. ChatGPT जगभरात एक लोकप्रिय AI चॅटबॉट बनला आहे. ते तुमच्या संभाषणांमधून बरेच काही शिकतो आणि लक्षात ठेवतो. तो तुमची वैयक्तिक माहिती गुप्तपणे साठवतो. अनेकांना त्यांची वैयक्तिक माहिती कंपनीने ठेवू नये असे वाटते.
ChatGPT मध्ये अनेक सेटिंग्ज आहेत. या सेटींगद्वारे तुम्हाला तुमची गोपनीयता राखण्याची परवानगी दिली जाते. ChatGPT ला तुमची जास्त माहिती शेअर करु द्यायची नसेल तर पाच सेटींग आहेत. त्या सेटींग सुरू केल्या तर तुम्ही तुमची माहिती सुरक्षित ठेवू शकता.
अकाऊंट तयार करु नका
जर तुम्ही चॅटजीपीटी वापरत असाल तर तुम्हाला सहसा अकाऊंट तयार करावे लागते. पण आता तुम्ही तुमचे अकाऊंट तयारच करु नका. चॅटजीपीटी वेबसाइटवर जा आणि थेट चॅटिंग सुरू करा. यामुळे तुमच्या संभाषणाचा रेकॉर्ड ठेवला जात नाही आणि कंपनीला तुमच्याबद्दल कमी माहिती मिळते. मूलभूत हेतूंसाठी ते वापरण्याचा हा सर्वोत्तम मार्ग आहे .
या पद्धतीने साईन अप करा
जर तुम्हाला अकाऊंट तयार करायचे असेल तर काळजी घ्या. ChatGPT साठी साइन अप करताना, तुमच्याकडे Google, Apple किंवा Microsoft खात्याशी कनेक्ट होण्याचा पर्याय आहे. हे तुमची काही माहिती त्या कंपन्यांसोबत शेअर करते. तुम्ही दुसरा ईमेल आयडी वापरून अकाऊंट तयार करणे चांगले. अशा प्रकारे, तुमचे ChatGPT खाते इतर खात्यांशी जोडले जाणार नाही आणि तुमचा पासवर्ड बदलणे सोपे होईल.
तात्पुरत्या चॅटचा वापर करा
ज्यावेळी तुम्ही तुमच्या अकाऊंटवरुन लॉग इन करता त्यावेळी ChatGPT तुमचे सर्व संभाषण सेव्ह करते. त्याचा वापर प्रशिक्षणासाठी केला जाऊ शकतो. जर तुम्हाला विशिष्ट संभाषण खाजगी ठेवायचे असेल, तर तात्पुरत्या चॅट सुरू करा. चॅट विंडोच्या कोपऱ्यात असलेले तात्पुरत्या चॅट बटण दाबा. स्क्रीन काळी होईल आणि एक संदेश दिसेल की हे चॅट सेव्ह ठेवले जाणार नाही. या मोडमध्ये, तुम्ही अधिक वैयक्तिक संभाषणे करू शकता कारण ती मेमरीमध्ये साठवली जात नाहीत.
मेमरीज फीचर बंद करा
चॅटजीपीटी तुम्ही बोलता त्या गोष्टी लक्षात ठेवते, तुमच्या आवडी किंवा कुटुंबाची माहिती या गोष्टी लक्षात ठेवता. ही माहिती वापरकर्त्यांनी कधीतरी चॅटजीपीटी सोबत शेअर केली आहे. जर तुम्हाला ही माहिती चॅटजीपीटी सोबत सेव्ह करायची नसेल, तर मेमरीज बंद करा. सेटिंग्जमधील पर्सनलायझेशन विभागात जा आणि "रेफरन्स सेव्ह्ड मेमरीज" बंद करा.
इतर माहिती हटवा
पर्सनलाइजेशन स्क्रिनवर तुम्ही तुमचे टोपणनाव, नोकरी किंवा इतर माहिती देऊ शकता. जर तुम्ही ते आधीच दिले असेल आणि ते काढून टाकणार असाल तर फील्ड्स रिकामे करा आणि सेव्ह करा. हे ChatGPT ला तुमची वैयक्तिक माहिती देऊ देत नाही. जुनी माहिती हटवण्याचा हा एक सोपा मार्ग आहे.
Web Summary : ChatGPT saves your data. To protect your privacy, avoid account creation, use temporary chats, disable memories, use a different email, and remove personal info from settings.
Web Summary : ChatGPT आपका डेटा सहेजता है। अपनी गोपनीयता की रक्षा के लिए, खाता निर्माण से बचें, अस्थायी चैट का उपयोग करें, यादें अक्षम करें, एक अलग ईमेल का उपयोग करें और सेटिंग से व्यक्तिगत जानकारी हटाएं।