यावर्षी मे मध्ये ASUS ने जागतिक बाजारात आपले दोन दमदार स्मार्टफोन्स लाँच केले होते. हे दोन स्मार्टफोन्स Asus ZenFone 8 आणि Asus ZenFone 8 Flip टेक मंचावर सादर करण्यात आले होते. तेव्हाच हे स्मार्टफोन्स भारतात येणार होते परंतु कोरोनाच्या दुसऱ्या लाटेमुळे या फोन्सचा भारतीय लाँच पुढे ढकलण्यात आला. आता समोर आलेल्या नवीन रिपोर्टनुसार, असूस लवकरच भारतात आपले हे दोन्ही शक्तिशाली फोन लाँच करणार आहे.
इंडिया टुडेला आसूस इंडियाचे बिजनेस हेड दिनेश शर्मा यांनी ZenFone 8 आणि ZenFone 8 Flip च्या लाँचची माहिती एका मुलाखतीत दिली आहे. असूस Zenfone 8 आणि Zenfone 8 Flip या स्मार्टफोन्सचा भारतीय लाँच समीप आहे. कंपनी लॉजिस्टिक संबंधित गोष्टींचे निरीक्षण करत आहे आणि एकदा त्या गोष्टी ठरल्या कि कंपनी त्वरित Zenfone 8 series च्या लाँच डेटची घोषणा करेल, अशी माहिती दिनेश शर्मा यांनी दिली आहे.
ASUS ZenFone 8 स्पेसिफिकेशन्स
ASUS ZenFone 8 स्मार्टफोनमध्ये 5.9 इंचाचा फुल एचडी+ अॅमोलेड डिस्प्ले देण्यात आला आहे. फोनमध्ये Snapdragon 888 5G SoC सह Adreno 660 GPU देण्यात आला आहे. हा स्मार्टफोन 16GB पर्यंतच्या रॅम आणि 256GB स्टोरेजला सपोर्ट करतो. फोन Android 11 वर आधारित ZenUI 8 कस्टम स्किन वर चालतो. ZenFone 8 मधील ड्युअल कॅमेरा सेटअपमध्ये 64MP चा मुख्य कॅमेरा आणि 12MP चा अल्टा-वाईड अँगल सेन्सर देण्यात आला आहे. हा आसुस फोन 12MP च्या फ्रंट कॅमेऱ्याला सपोर्ट करतो. या फोनमध्ये 4,000mAh ची बॅटरी 30W फास्ट चार्ज सपोर्टसह देण्यात आली आहे.
ASUS ZenFone 8 Flip चे स्पेसिफिकेशन्स
ASUS ZenFone 8 Flip मध्ये 6.67 इंचाचा फुल एचडी+ अॅमोलेड डिस्प्ले देण्यात आला आहे. या फोनमध्ये Snapdragon 888 5G SoC सह Adreno 660 GPU मिळतो. हा 12GB रॅम आणि 256GB स्टोरेजला सपोर्ट करतो. या फोनमध्ये Android 11 आधारित ZenUI 8 आहे. ZenFone 8 Flip मध्ये फ्लिप कॅमेरा मोड्यूलवर ट्रिपल रियर कॅमेरा सेटअप देण्यात आला आहे. यात 64MP चा मुख्य सेन्सर OIS सपोर्टसह देण्यात आला आहे. त्याचबरोबर 12 मेगापिक्सलची अल्ट्रा वाईड अँगल लेन्स आणि 8MP टेलीफोटो कॅमेरा मिळतो. या फोनमध्ये इन-डिस्प्ले फिंगरप्रिंट सेन्सर आहे. ASUS ZenFone 8 Flip मध्ये 5,000mAh ची बॅटरी आणि 30W फास्ट चार्जिंग सपोर्ट देण्यात आला आहे.