Windows 11 सपोर्टसह Acer चे 6 नवीन लॅपटॉप भारतात लाँच; जाणून घ्या किंमत  

Windows 11 Acer Laptop: Acer ने भारतात 6 नवीन लॅपटॉप सादर केले आहेत, जे लेटेस्ट विंडोज ऑपरेटिंग सिस्टम आणि प्रीलोडेड Office 2021 सह उपलब्ध होतील.  

Acer ने आपल्या लॅपटॉप पोर्टफोलियोचा विस्तार करत Windows 11 आधारित 6 नवीन लॅपटॉप लाँच केले आहेत. यात Acer Swift X, Swift 3, Aspire 3, Aspire 5, Spin 3 आणि Spin 5 चा समावेश आहे. भारतात येणाऱ्या या सहा लॅपटॉपची किंमत 55,999 रुपयांपासून सुरु होत आहे. हे लॅपटॉप नव्या विंडोज ऑपरेटिंग सिस्टम आणि प्रीलोडेड Office 2021 सह विकत घेता येतील. हे नवीन लॅपटॉप Acer online store, Amazon आणि Flipkart सह Acer exclusive stores, Croma, Reliance आणि Vijay Sales अशा ऑफलाईन स्टोर्समधून विकत घेता येतील.  

Acer Swift X (SFX14-41G) चे स्पेसिफिकेशन्स आणि किंमत 

Acer Swift X (SFX14-41G) मध्ये 14-इंचाचा फुल एचडी आयपीएस डिस्प्ले मिळतो. जो 100 टक्के sRGB कलर गमुट आणि 300 निट्स ब्राईटनेसला सपोर्ट करतो. यात hexa-core AMD Ryzen 5 5600U प्रोसेसर आणि Nvidia RTX 3050 जीपीयू मिळतो . त्याचबरोबर 4GB ग्राफिक्स मेमरी आणि AMD Radeon ग्राफिक्स मिळतात. कंपनीने यात 16GB पर्यंतचा रॅम आणि 512GB SSD स्टोरेज दिली आहे. 59Whr बॅटरीसह येणाऱ्या Acer Swift X (SFX14-41G) ची किंमत भारतात 86,999 रुपये आहे. 

Acer Swift 3 (SF314-43), Swift 3 (SF314-511) चे स्पेसिफिकेशन्स आणि किंमत 

Acer Swift 3 (SF314-43) आणि Swift 3 (SF314-511) दोन्ही मॉडेल्समध्ये 14-इंचाचा फुल एचडी आयपीएस डिस्प्ले देण्यात आला आहे. हा डिस्प्ले 85 टक्के स्क्रीन-टू-बॉडी रेशियो आणि 300 निट्स ब्राईटनेसला सपोर्ट करतो. Acer Swift 3 (SF314-43) लॅपटॉपमध्ये AMD Ryzen 5000U प्रोसेसर आणि Acer Swift 3 (SF314-511) मध्ये 11 जनरेशन इंटेल कोर आय5 प्रोसेसर देण्यात आला आहे. हे लॅपटॉप 16GB पर्यंतच्या रॅम व 1TB SSD स्टोरेजसह विकत घेता येतील. Acer Swift 3 (SF314-43) आणि Swift 3 (SF314-511) ची किंमत 62,999 रुपये आहे. 

Acer Aspire 3 (A315-58) चे स्पेसिफिकेशन्स आणि किंमत 

Acer Aspire 3 (A315-58) मध्ये 15.6-इंचाचा फुल एचडी टीएफटी डिस्प्ले मिळतो. यात Intel Core i5-1135G7 प्रोसेसर देण्यात आला आहे. हा लॅपटॉप SSD आणि HDD स्टोरेजसह येतो. यात फुल-लेंथ कीबोर्ड देखील मिळतो. यात तुम्हाला फिंगरप्रिंट रीडर आणि विंडोज हॅलो सपोर्ट मिळेल. Acer Aspire 3 (A315-58) ची किंमत 55,999 रुपयांपासून सुरु होते.  

Acer Aspire 5 (A514-54) आणि Aspire 5 (A515-56-5) चे स्पेसिफिकेशन्स आणि किंमत 

Acer Aspire 5 (A514-54) मध्ये 14-इंचाचा फुल एचडी आयपीएस डिस्प्ले मिळतो, तर Acer Aspire 5 (A515-56-5) मध्ये 15.6-इंचाचा फुल एचडी डिस्प्ले मिळतो. दोन्ही लॅपटॉपमध्ये 11 जनरेशन Intel Core i5-1135G7 प्रोसेसर आहे, त्याचबरोबर 8GB पर्यंतचा रॅम आणि 1 टीबी पर्यंतची M.2 PCIe SSD स्टोरेज मिळते. Aspire 5 ची प्रारंभिक किंमत 57,999 रुपये आहे.  

Acer Spin 3 (2021) चे स्पेसिफिकेशन्स आणि किंमत 

Acer Spin 3 (2021) मध्ये 13.3-इंचाचा डिस्प्ले मिळतो. हा टच स्क्रीन डिस्प्ले Wacom AES 1.0 आणि Acer Active Stylus ला सपोर्ट करतो. हा लॅपटॉप 11 जनरेशन इंटेल कोर प्रोसेसर आणि Intel Iris Xe ग्राफिक्ससह बाजारात आला आहे. Spin 3 (2021) मध्ये सिंगल चार्जवर 15 तास वापरता येतो. Acer Spin 3 (2021) ची किंमत 74,999 रुपये आहे. 

Acer Spin 5 (2021) चे स्पेसिफिकेशन्स आणि किंमत 

Acer Spin 5 (2021) मध्ये 3:2 अस्पेक्ट रेशियो असलेला डिस्प्ले देण्यात आला आहे. हा लॅपटॉप 11 जनरेशन इंटेल कोर आय7 प्रोसेसर आणि Intel Iris Xe ग्राफिक्ससह बाजारात आला आहे. यात कंपनीने 16GB LPDDR4X रॅम दिला आहे. लॅपटॉपमध्ये 1TB PCIe Gen 4 SSD पर्यंतची स्टोरेज मिळते. सिंगल चार्जवर 15 तासांचा बॅटरी बॅकअप देणारा हा लॅपटॉप 99,999 रुपयांमध्ये विकत घेता येईल.