ठळक मुद्देपोलीस बंदोबस्तात करण्यात आली वाढशहरातील दुकानांसह बाजारपेठा बंद
कुर्डूवाडी : शहरातील सर्व महापुरुषांच्या पुतळ्यांना संरक्षण मिळावे, पुलवामा घटनेचा निषेध नोंदविण्यासाठी व यातील शहीद झालेल्या जवानांना श्रद्धांजली वाहण्यासाठी आज कुर्डुवाडी शहरात कडकडीत बंद पाळण्यात आला.
आज सकाळपासूनच शहरातील एकही दुकान उघडली गेली नाही भाजी मंडई सह शहरातील बाजारपेठ कडकडीत बंद होती आंबेडकरप्रेमी समाजाने कालच सोशल मीडियावर व आज सकाळपासूनच टू व्हीलर वर करून सर्वांना बंद पाळण्याचे आवाहन केले होते.
आज सर्व दुकानदारांनी आपल्या दुकानासमोर गप्पा मारत बसण्यात तर काहींनी परगावी जाऊन आपली कामे करण्यात दिवसभराचा वेळ घालवला.
कुर्डूवाडी पोलिसांनी शहरात चोख बंदोबस्त ठेवला असून कुरोली पोलीस स्टेशनच्या कर्मचाऱ्यासह दंगाकाबू पथक ही कुरवाडी शहरात तळ ठोकून आहे